Oseas 12:11 - Maung A Balita Biblia

¹¹ Balet siansian nagagalang ed Galaad iray talintaoy diriyos, et ompatey iray mangigagalang ed saray talintao. Nibagat ed Gilgal iray baka, et magmaliw iran bunton na saray bato diad saray maawang a kaalogan iray altar diman.”

Maung a Balita Biblia

¹¹ Balet siansian nagagalang ed Galaad iray talintaoy diriyos, et ompatey iray mangigagalang ed saray talintao. Nibagat ed Gilgal iray baka, et magmaliw iran bunton na saray bato diad saray maawang a kaalogan iray altar diman.

Oseas 12:11 Iomraidhean Croise

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

2 Saray Arari 17:13

Angibakiy Katawan na saray managpulong tan saray propita to a mamasakbay ed Israel tan Juda. Onyay impaikuantod sikara: “Ikaindan yo ray maoges a kagagawa yo tan onur yo ray bilin kon walad Ganggan ya inter kod saray lalaki yo tan impasabik ed sikayo diad panamegley na saray aripen kon propita.”

Jeremias 10:15

Andi-kakanaan ira, tan kanepegan day balawen; naderal ira no onsabin maneral ed sikara so Katawan.

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Jeremias 2:20

Say Katawan a Dios kuanto, “Israel, nen saman impolisay moy pakaoley ko; ag mo nilabay ya onuren ak tan igalang ak. Diad toktok na balang atagey a pokdul, tan diad silong na balang mabonan kiew, angigalang kad singa marotak a bii.

Jeremias 2:28

“Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

Ezekiel 17:2

“Sika a toon ompatey,” kuanto, “salitam ed saray Israelita so sayan alimbawa

Oseas 10:1

Nen saman saray totood Israel et singa ra sengeg na ubas a napnoy bunga. No panoy inaligwas da, ontan met so indakel na saray altar ya impapaalagey da. No panoy indakel na bungay dalin da, ontan met so impamarakep dad saray masanton lusek ya igagalang da.

Oseas 10:2

Saray totoon managpalikdoy kapusuan da et nepeg la ran manirap lapud saray kasalanan da. Igeba na Dios iray altar da tan deralen to ray masanton lusek da.

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Oseas 6:8

Say Galaad et siudad a napno na saray totoon maoges tan saray managpatey na totoo.

Oseas 8:11

“No kaonungay idadakel na ipapaalagey dan pakaekalay kasalanan, ontan met so idadakel na saray pasen a pakapankasalananan da.

Oseas 9:15

Say Katawan kuanto, “Ginmapod Gilgal ya amin iray maoges a gagawaen da. Diman so angigapwan koy pambosul kod sikara. Lapud saray maoges a ginagawa ra, pataynanen ko rad dalin ko. Ag ko la ra aroen; linmaban ed siak ya amin iray pangulo ra.

Amos 4:4

Say Katawan a Dios kuanto, “No tuan ag kayo napatonda, laka yod masanton pasen ed Betel, sikayo ran totood Israel, ta mankasalanan kayo! Laka yod Gilgal tan mankasalanan kayo ed anggaay nayarian yo! Mangawit kayo na saray ayayep ya ibagat yon kinabwasan, tan iyakar yon kapag mikatlon agew iray kakaplo yo.

Amos 5:5

Ag kayo oonlan mangigalang ed Beer-seba. Ag yo ak aanapen ed Betel, ta anggapoy pansumpalan na Betel. Ag kayo oonlad Gilgal, ta pangaskasiyan a nibantak ed arum a bansa iray totoo to.”

Jonas 2:8

Inkaindan day inkatoor dad sika iray mangigagalang ed saray andikakanaan a talintaoy diriyos.

Saray Bilang 12:6

tan say Katawan kuanto, “Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.