Oseas 11:7 - Maung A Balita Biblia

⁷ Impasoot day ontaynan ed siak. Oneyag ira lapud pakod tenger da, balet anggapoy mangekal na samay pako ra.

Maung a Balita Biblia

⁷ Impasoot day ontaynan ed siak. Oneyag ira lapud pakod tenger da, balet anggapoy mangekal na samay pako ra.

Oseas 11:7 Iomraidhean Croise

Saray Salmo 81:11

“Balet ag ondengel ed siak iray totook; say Israel ag da ak toluken.

Probirbio 14:14

Saray totoon maoges anien day bayar na kaogsan da. Saray totoon matonung natumangan ira, lapud saray gawgawa ra.

Isaias 26:10

Anggaman a mapangasi kad saray totoon maoges, ag dan balut naaralan so manggaway kaptekan. Anggan diad dalin na saray totoon matonung manggagawa ran siansiay kaogsan; ag da labay a birbiren so inkatalonggaring mo.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Jeremias 3:11

Insan inkuan na Katawan ed siak, “Anggaman ya inkaindan ak na Israel, impanengneng to balet a maung ni nen si malamang a Juda.”

Jeremias 7:25

Manlapud samay agew ya impaway ed Egipto na saray lalaki yo ya anggad natan, intutuloy koy angibakid sikayo na saray aripen kon propita.

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Jeremias 8:5

Totook, akin et onaarawi kayod siak tan ag kayo ompawil? Ag kayo oniikban ed saray talintaoy diriyos yo tan ag yo labay so ompawil ed siak.

Oseas 11:2

Balet no panoy intawag kod sikato, ontan met so inyarawi tod siak. Nambabagat ed Baal iray totook; nampopool iray insinso ed saray talintaoy diriyos.

Oseas 14:4

Say Katawan kuanto, “Papawilen kod siak iray totook. Aroen ko ra ed intiron pusok; nakal lay pasnuk kod sikara.

Oseas 4:16

Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Oseas 7:16

Itutuloy day onsingger ed sakey a dios ya anggapoy pakayari. Ag ira napanmatalkan a singa pikewet a pana. Lapud mapaatagey ed panagsalita iray pangulo ra ompatey irad ispada. Diad ontan elekan ira na saray Egipsio.”