Oseas 11:10 - Maung A Balita Biblia

¹⁰ “Ontombuk ed siak iray totook no singa ak lion ya ongwam ed saray kalaban da. Manlapud sagur mangganat iran ondagod siak.

Maung a Balita Biblia

¹⁰ Ontombuk ed siak iray totook no singa ak lion ya ongwam ed saray kalaban da. Manlapud sagur mangganat iran ondagod siak.

Oseas 11:10 Iomraidhean Croise

Say Libro nen Job 37:1

Mampokal so pagew ko lapud bagyo.

Saray Salmo 119:120

Lapud sika natatakot ak; lapud saray sintinsiam natatakot ak.

Saray Salmo 2:11

Sitatakot kayon manlingkur ed Katawan; giwgiw

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 2:5

Sikayo ran kabyangay boleg nen Jacob, mankurang itayod liwawan iiter ed sikatayo na Katawan!

Isaias 31:4

Inkuan na Katawan ed siak, “Anggan panon so paningal tan paneyag na saray pastol, ag da napatakot so lion pian arawian toy pinatey ton ayep; ontan met, anggapoy makabanod siak ed pangyagel kod Palandey na Sion, siak a Katawan a Makapanyarin-amin.

Isaias 42:13

Say Katawan ompapaway a milaban a singa sondalon mibabakal; akaparaan tan mampilalek a mibakal. Oneeyag na eyag na bakal; ipapanengneng toy pakayari to sumpad saray kalaban to.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Isaias 64:2

Onggiwgiw iran singa manlelwag a danum ya akatoon ed apoy. Gala pa ta ipanengneng moy pakayarim ed saray kalaban mo, tan pagiwgiw mod arap mo iray bansa!

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

Jeremias 2:2

ipulong kod balang sakey a too ed Jerusalem yan salita to: “Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Jeremias 25:30

“Sika, Jeremias, nepeg mon ipulong ya amin iray imbagak. Nepeg mon ikuan ed sarayan totoo, ‘Say Katawan unungol manlapud tawen tan onkarul manlapud saray tagey na tawen. Unungol sumpad saray totoo to; oneyag a singa lakin manggagatingatin na saray ubas, Narengel na balang too ed tapew na dalin,

Jeremias 31:9

Diad liket dan ompapawil iray totook ag da napokpokay interter na lua ra, mampipikasi ra legan ko ran iwawanwan. Iwanwan ko rad gilig na managagos a danum, diad mablak a dalan pian ag ira niparokul. Singa ama so pasen ko ed Israel, et si Efraim so sankapangulowanan ya anak kon laki.”

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Jeremias 50:4

Say Katawan kuanto, “No onsabi tan a panaon, saray totood Israel tan saray totood Juda mannangnangis iran onsabi a mananap ed siak a Dios da.

Jeremias 7:6

Tondaan yoy panamairap yod saray sangkaili, saray olilan sigput, tan saray balo. Tondaan yoy panagpatey yo diad sayan dalin na saray totoon anggapoy kasalanan. Tondaan yoy panangigalang yod saray arum a diriyos, ta deralen to kayo.

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.

Ezekiel 26:16

Amin da ray arari na saray bansan managbiahi ed dayat et onakseb irad trono ra. Lakseben da ray mararakep a kolibemben da tan saray binordaan a kawes da, insan ira manggiwgiw ya onyurong ed dalin. Nataktakot irad agawad sika tan ag ira makatondan onggiwgiw.

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Amos 1:2

Inkuanen Amos, “Unuungol a manlapud Sion so Katawan; onkakarul a manlapud Jerusalem so bosis to. Namamagaan iray pastolan tan ompapatey iray dika ed Palandey na Carmelo.”

Amos 3:4

Ongwam kasiy lion ed takel no ag ni akalmoy siraen ton ayep? Unungol kasiy malangwer a lion ed ongib to no ag ni akarel na siraen to?

Amos 3:8

No ongwam so lion, siopay ag ontakot? No mansalita so Katawan a Dios, siopay makapangitepel ya ag to ibawag so salitay Dios?

Mikias 4:5

Mangigagalang tan manlilingkur ed dilin dios to so balang bansa, balet mangigalang tan manlingkur itayod Katawan a Dios tayo diad ando lan ando.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

Zacarias 10:10

Pasempeten ko ran manlapud Egipto tan Asiria tan manayam ira ed dilin bansa ra. Panayamen ko ra met ed Galaad tan diad Libano; napano na totoo so intiron dalin.

Zacarias 10:12

Pabiskegen ko ray totook; igalang tan onuren da ak.” Say Katawan so nansalita.

Zacarias 8:7

Ilaban ko ray totook ed saray dalin ya akadakepan da,

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, “Alis ka ni, ta patawag ta ka no walay panaon ko.”

Saray Taga Roma 8:1

Kanyan ag la natan nadusa iray totoon mikakasakey ed Cristo Jesus.

2 Pedro 2:10

lalo lad saray mangoonur ed maoges a liket na laman tan ag mangabkabilangan ed pakaoley na Dios. Bengatbengat tan mapaatagey ira yan ibabagak a tila-tilan bumabangat. Balbalawen tan pabpabaingan da ray gagalangen a pinalsan walad tawen.

Puyan 10:3

Inmingal, tan singa ungol na lion so ingal to. Kaingal to, inmebat a dinmalagorug so pitoran karul.