Oseas 11:1 - Maung A Balita Biblia

¹ Say Katawan kuanto, “Nen ogaw ni so Israel, inararok tan impaway kod Egipto a sakey ya anak kon laki.

Maung a Balita Biblia

¹ Say Katawan kuanto, Nen ogaw ni so Israel, inararok tan impaway kod Egipto a sakey ya anak kon laki.

Oseas 11:1 Iomraidhean Croise

Saray Salmo 129:1

Ibagam pad sikami, Israel, so ontan lan impamairap ed sika na saray kalaban mo, nanlapu lad impanogaw mo!

Exodo 19:4

“Anengneng yo so ginawak ed saray Egipsio, siak a Katawan, tan say impangawit kod sikayo a singa ontitikyab ya agilan sankaawit tod saray payak to so sibong to, insan ta kayo inyakar dia ed siak.

Exodo 4:22

Diad satan ibagam ed ari: Onya so kuan na Katawan ed sika, ‘Si Israel so pangulowan ya anak ko.

Exodo 4:23

Imbagak lad sika ya abuloyan mon ontaynan, pian makapangigalang ed siak, balet ag ka inmabuloy. Natan pateyen koy lakin pangulowan ya anak mo.’”

Isaias 43:4

Ipatalok ya amin iray bansa pian nilaban koy bilay mo, lapud mabli kad siak tan lapud inaro ta ka tan itdan ta kay kagalangan.

Jeremias 12:7

Say Katawan kuanto, “Inkaindan koy Israel; impolisay koy pinilik a bansa. Saray totoon inarok impalimak irad pakayari na saray kalaban da.

Jeremias 2:2

ipulong kod balang sakey a too ed Jerusalem yan salita to: “Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Ezekiel 16:22

Diad samay panaon a makapabaing so pambibilay mo a sakey a marotak a bii, ag mon balut anunotan so impanogaw mo—nen lakseb-labus ka a pigar-pigar kad dilin dalam.”

Ezekiel 16:6

“Nen ondadalan ak anengneng kon pigar-pigar kad dilin dalam. Anggaman ya adala-dalaan so intiron laman mo, inyabuloy kon mambilay ka.

Oseas 10:15

Ontan met so nagawad sikayon totood Betel, lapud saray makapasinagem a kaogsan a ginagawa yo. Diad igapo na bakal, ompatey so ari na Israel.”

Oseas 12:13

Say Katawan angibaki na sakey a propita a mangyagel ed saray totoo ton Israelita diad pakakaaripen dad Egipto tan mangasikasod sikara.

Oseas 12:9

Balet siak a Katawan a Dios yo ya angipaway ed sikayod Egipto et panayamen ta kayo lamet ed saray tulda, a singa ginagawa yo nen linma ak ed sikayo ed kalawakan.

Oseas 13:4

Say Katawan kuanto, “Siak so Katawan a Dios ya angipaway ed sikayo ed Egipto. Anggapo lay arum a Dios yo no ag siak labat. Bukbukor ko so manangilaban.

Oseas 2:15

Ipawil kod sikato may kaubasan a kayaryan to nen saman, tan pagmaliwen kon puirta na ilalo so Patar na Gunigon. Ebatan to ak diman a singa samay ginawa to nen malangwer ni, sanen sikatoy pinmaway a nanlapud Egipto.

Malakias 1:2

Say Katawan kuantod saray totoo to, “Inaro ta kayo lawas.” Balet ebat da, “Panoy impangarom ed sikami?” Ebat na Katawan, “Sanagi ra di Jacob tan Esau, balet inarok si Jacob tan saray kabyangay boleg to,

Mateo 2:15

Nanayam irad man ya anggad impatey nen Herodes. Agawa ya pian nasumpal so inkuan na Katawan diad panamegley na propita, “Tinawag koy Anak kon papawayen a manlapud Egipto.”

Deuteronomio 33:3

Inaro na Katawan iray totoo to tan iyaagel to ray totoon kayaryan to. Kanyan ondakmomo itayod saliyan to tan onuren tayo ray ganggan to.

Deuteronomio 7:7

“Say Katawan inaro tan pinili to kayo, aliwan lapud dakel kayo ni nen saray arum a totood arum a bansa, ta sikayoy sankamelagan a bansa diad tapew na dalin.