Oseas 10:8 - Maung A Balita Biblia

⁸ Naderal iray altar ed toktok na pokdul na Aven a dimay pangigagalangan na saray totoo ed saray talintaoy diriyos. Natubuan na masabit a tanaman tan dikarika iray altar da. Saray totoo iyeyag dad saray palandey, “Iyamut yo kami!” tan diad saray kapokdulan iyeyag da, “Tabunan yo kami!”

Maung a Balita Biblia

⁸ Naderal iray altar ed toktok na pokdul na Aven a dimay pangigagalangan na saray totoo ed saray talintaoy diriyos. Natubuan na masabit a tanaman tan dikarika iray altar da. Saray totoo iyeyag dad saray palandey, Iyamut yo kami! tan diad saray kapokdulan iyeyag da, Tabunan yo kami!

Oseas 10:8 Iomraidhean Croise

Genesis 3:8

Nen ngarngarem la arengel da so tanul na panaakar na Katawan a Dios ed tanamanan, kanyan inamutan dad otel na kakiewan.

1 Saray Arari 13:2

Diad panangonur tod Katawan imay propita, inkuanto, “O altar, altar, onyay inkuan na Katawan: Nianak ed pamilya nen David so sakey a lakin ogaw a manngaran na Josias. Pateyen tod tapew mo ray paparin managlingkur ed saray paganon altar tan mangibabagat irad sika; poolan to met ed tapew mo ray pokel na inaatey a totoo.”

1 Saray Arari 13:34

Kasalanan nen Jeroboam yan ginawa to, tan lapud saya sikatoy makasengeg na inkaderal tan inkaandipat na panoley na saray kabyangay boleg to.

1 Saray Arari 14:16

Ikaindan na Katawan so Israel, lapud nankasalanan si Jeroboam tan inlagyat ton nankasalanan iray totood Israel.”

2 Saray Arari 23:15

Inggeba met nen Josias so pasen a panangigalangan diad Betel a ginawa na lakin anak nen Nebat a si Ari Jeroboam a nilagyat ton nankasalanan so Israel. Inggeba nen Josias imay altar, minekmek to ray bato to ya anggad dinmabuk ira; pinoolan to met so masanton tiken a nisaklang ed diosan Asera.

2 Saray Awaran 31:1

Kayari na pista, amin da ray totood Israel linma rad balang siudad na Juda tan minemekmek da ray baton lusek, binabatang da ray tanda na diosan Asera, tan dinederal da ray altar tan saray paganon pasen a panangigalangan. Onya met so ginagawa ra ed arum a pasen na Juda tan diad saray dalin na Benjamin, Efraim, tan Manases, insan la ra sinmempet.

Isaias 2:19

Onamut iray totood saray ongib na kapokdulan odino diad saray abut ed dalem na dalin, pian napaliisan day pasnuk na Katawan tan niamutan day pakayari tan kagalangan to, no sikatoy onsabi a manyegyeg ed mundo.

Isaias 2:21

No onsabiy Katawan a yegyegen toy dalin, saray onamut ed saray abut tan diad saray ongib ed kapokdulan iray totoo, pian napaliisan day pasnuk to tan niamutan day pakayari tan kagalangan to.

Isaias 32:13

saray masabit a dika tan saray balisanga so ontutubod dalin da ray totook. Nangisan yo ray amin a kaabungan a maliket a nanaayaman nen saman na saray totoo tan say siudad a magayaga nen saman.

Isaias 34:13

Saray masabit a tanaman et ontubo rad saray palasio tan saray baley ya aliber na padir, tan panayaman ira na saray asod katakelan tan saray kulayot.

Oseas 10:2

Saray totoon managpalikdoy kapusuan da et nepeg la ran manirap lapud saray kasalanan da. Igeba na Dios iray altar da tan deralen to ray masanton lusek da.

Oseas 10:5

Ontakot iray totoon manaayam ed siudad na Samaria tan ermenan day inkabalang na balituk a bakan kalakyan ed Betel. Sikara tan saray paparin manlilingkur ed talintao et nangisan da may inkabalang to. Pandageyeman da so inkaandi na bantug a kagalangan to.

Oseas 10:9

Say Katawan kuanto, “Ag tinmondan mankakasalanan iray totook ya Israelita nanlapu lad samay impankasalanan dad Gabaa. Kanyan naabotan ira na bakal ed Gabaa.

Oseas 2:6

Kanyan kulongen kon paliberan na masabit a tanaman tan padiren koy dalanen to, pian ag makapaway.

Oseas 4:13

Mangisasaklang iray bagat diad saray masanton pasen ed saray toktok na palandey, tan diad toktok na saray pokdul mampopool ira na insinso diad silong na saray atagey, tan masalumpapak a kiew, lapud balibali so sirum da! “Ontan sirin, nagmaliw a marotak a bii iray anak yo, tan saray bibiin manugang yo et mikakaloguran ira.

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Oseas 5:8

Sibuk yod Gabaa iray trumpitan panawag na bakal! Paknul yod Rama so pamasakbay. Iyeyag yo ed Bet-haven so para bakal! Lalaki a taga Benjamin, dogpa kayo lan mibakal!

Oseas 8:5

Kabosul koy bakan balituk ya igagalang na saray taga siudad na Samaria. Mapalaloy petang na olok ed sikara. Anggad kapigay itonda ran mangigalang ed talintaoy diriyos?

Oseas 9:6

No onsabiy kadederal, tan nikaykayat iray totoo, tiponen ira na saray Egipsio—tiponen da ran ipompon ed Memfis! Saray kayamanan dan pilak tan saray pasen ya angiletnegan na saray abung da et natubuan ira na saray dika tan saray tanaman a masabit.

Amos 1:5

Gaygayen ko ray puirta na siudad na Damasco tan paekalen ko ray totoon manaayam ed Patar na Aven tan say manoley na Bet-eden. Naalan priso ed dalin na Kir iray totoon taga Siria.”

Amos 3:14

“Diad agew a dusaen ko ray totood Israel lapud saray kasalanan da, deralen ko ray altar ed Betel. Napoter iray suyok na balang altar tan napelag irad dalin.

Amos 7:9

Naderal iray pasen a pangigagalangan na saray kabyangay boleg nen Isaac. Nataynan ya aderal-deral iray masanton pasen na Israel. Panganggaen kon manari iray kabyangay boleg nen Ari Jeroboam.”

Amos 8:14

Natumba tan ag la makabangon iray totoon mansasamba ed saray talintaod Samaria a kuanda, ‘Diad ngaran na dios na Dan,’ odino ‘Diad ngaran na dios na Beer-seba.’”

Mikias 1:13

Sikayo ran manaayam ed Lakis, isinta yod saray kabayo iray karwahi. Inaalig yo ray kasalanan na Israel kanyan sikayoy nanlapwan na impankasalanan na Jerusalem.

Mikias 1:5

Nagawa ra yan amin lapud nankasalanan iray totood Israel tan sinmumpa rad Dios. Siopay natetel ed insumpa na Israel? Say Samaria a dilin manonan siudad! Siopay nankasalanan na pididios ed talintao da ray diriyos diad Juda? Say Jerusalem!

Nahum 3:11

Ninive, magmaliw ka met a singa abuek a mandongilngil! Ibatikan mo met iray kalaban mo.

Lucas 23:30

Diad sarayan agew, saray totoo ikuandad saray palandey, ‘Tumbaan yo kami!’ tan diad saray pokdul. ‘Tabunan yo kami!’

Deuteronomio 9:21

Inalak imay makapakasalanan a talintaon ginawa yo—samay mital a bakan kalakyan—tan imbontuk kod apoy. Insan ko tinemektemek ya anggad dinmabuk, tan imbantak ko may dabuk ed kolus ya onaagos ed leksab na palandey.

Puyan 6:16

Inkuandad kapalandeyan tan saray ankakabaleg a bato, “Pataan yo kami, pian ag kami nanengneng na samay akayorung ed trono, tan niagel kamid pasnuk na Kordiro!

Puyan 9:6

Diad loob na sarayan limay bulan, patey lay anapen na totoo, balet ag da naalmo; labayen da lay ompatey, balet ibatikan ira na patey.