Oseas 10:14 - Maung A Balita Biblia

¹⁴ ondalan ed saray totoo yo so bakal, tan naderal iray tirinsira yo. Sayan nagawa et singa samay agew a si Ari Salman et dineral tod bakal so siudad na Bet-arbel, tan saray kainaan tan saray anak da et nibasig-basig ira ya anggad ag da impatey.

Maung a Balita Biblia

¹⁴ ondalan ed saray totoo yo so bakal, tan naderal iray tirinsira yo. Sayan nagawa et singa samay agew a si Ari Salman et dineral tod bakal so siudad na Bet-arbel, tan saray kainaan tan saray anak da et nibasig-basig ira ya anggad ag da impatey.

Oseas 10:14 Iomraidhean Croise

Genesis 32:11

Kerewen kod sika ya iyagel mo ak ed kinen Esau. Antakot ak ta ompan onla dian ondogpad sikami et pateyen to kamin amin, pati saray bibii tan saray ogogaw.

2 Saray Arari 17:16

Ag da inonur ya amin iray ganggan na Katawan a Dios da tan nanggawa ray galangen da a duaran mital a bakan kalakyan; nanggawa ra met na sakey a talintao nen diosan Asera, inggalang da ray bitewen, tan nanlingkur irad dios a Baal.

2 Saray Arari 17:3

Akibakal ed sikatoy Impirador Salmaneser na Asiria; sinmukoy Oseas ed kinen Salmaneser, kanyan tinaon a nambabayar na buis ed sikato.

2 Saray Arari 18:33

Wala siriy dios na dinanman a bansa ya inyagel tod impirador na Asiria so dalin to?

Isaias 17:3

Naekal iray tirinsira na Israel, tan naoleyan na arum a bansa so Damasco. Napelag ed kababaingan a singa saray totood Israel iray taga Siria a makapaliis ed patey. Siak, say Katawan a Makapanyarin-amin, so nansalita.”

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.”

Jeremias 48:41

tan nadakep iray baley tan saray tirinsira. Diad satan ya agew ontakot a singa biin mampapasakit iray sondalo na Moab.

Oseas 10:15

Ontan met so nagawad sikayon totood Betel, lapud saray makapasinagem a kaogsan a ginagawa yo. Diad igapo na bakal, ompatey so ari na Israel.”

Oseas 13:16

Nepeg a nadusa so Samaria lapud insumpa tod siak. Ompatey ed bakal iray totoo to, nibasig-basig ed dalin iray ogogaw ya ankekelag, tan nabutbutyakan iray malokun a bibii.”

Amos 3:14

“Diad agew a dusaen ko ray totood Israel lapud saray kasalanan da, deralen ko ray altar ed Betel. Napoter iray suyok na balang altar tan napelag irad dalin.

Amos 3:8

No ongwam so lion, siopay ag ontakot? No mansalita so Katawan a Dios, siopay makapangitepel ya ag to ibawag so salitay Dios?

Amos 9:5

Didiwiten na Katawan a Dios a Makapanyarin-amin so mundo, et nayeyegyeg; maneermen ya amin iray totoon manaayam dia. Say intiron mundo et onaatagey tan nakukusbo a singa Ilog na Nilo.

Mikias 5:11

Deralen ko ray siudad ed dalin yo tan igebak ya amin iray tirinsira yo.

Nahum 3:10

Balet saray totood Tebes et nibantak irad arum a bansa. Diad inerman a sokung na dalan, saray anak da et nipaspas ira ya anggad ag da impatey. Agolunggolungan a niakar ed arum a bansa iray manonan totoo ra tan nanaapagan ira na saray akadakep ed sikara.

Nahum 3:12

Amin da ray tirinsiram et magmaliw iran singa saray kiew na igos ya aluluto la ray bunga ra: yugayog moy sengeg da et napelag lad sangim iray bunga ra!

Habacuc 1:10

Luludlureyen da ray arari tan elek-elekan da ray atatagey ya opisyal. Anggapoy tirinsiran makapatondad sikara—mambubunton ira na dalin ed abay na tirinsira et nadadakep da.