Oseas 10:13 - Maung A Balita Biblia

¹³ Balet ag kayo inmonur, no ag ingen nantanem kayo na kaogsan tan inani yoy bunga ton maoges. Inakan yo ray bunga na saray tila yo. “Lapud nanmatalek kayod saray karwahi yo tan saray amayamay a sondalo yo,

Maung a Balita Biblia

¹³ Balet ag kayo inmonur, no ag ingen nantanem kayo na kaogsan tan inani yoy bunga ton maoges. Inakan yo ray bunga na saray tila yo. Lapud nanmatalek kayod saray karwahi yo tan saray amayamay a sondalo yo,

Oseas 10:13 Iomraidhean Croise

Say Libro nen Job 4:8

Akanengneng ak na saray totoon mambababa ed alog na kaogsan tan mantatanem na bokel na kabaglan, et manaani ra natan na kaogsan tan kabaglan.

Saray Salmo 33:16

Ag manatalo so sakey ya ari lapud saray makapanyarin sondalo to; ag manatalo so sakey a sondalo lapud dilin biskeg to.

Saray Salmo 52:7

“Nengneng yoy toon ag impaiyagel ed Dios, no ag ingen nanmatalek ed baleg a kayamanan to, tan sinmaral ed kaogsan to.”

Saray Salmo 62:10

Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

Probirbio 1:31

Lapud saya, anien yoy bungay ginawa yo, tan deryaen kayo lamlamang na dilin kagagawa yo.

Probirbio 12:19

Antikey so bilay na tila, balet mansiansiad anggad angga so katwaan.

Probirbio 13:2

Natumangan iray maung a totoo lapud saray ibabalikas da, balet say aanapen na saray managpalikdon totoo et say panggawa ray duksa.

Probirbio 19:5

No mantila ka ed korti andi-saew a nadusa ka—ag ka makapaliis.

Probirbio 22:8

No mantanem kay bokel na aliwan inkatonung, say deral so onsulming, tan ontonda lay panagpairap mod arum a totoo.

Ecclesiastes 9:11

Wala niy sakey a naamtaan ko, a diad sayan mundo ag manatalo lawas ed saray lumba iray mabatik, tan ag manatalo lawas ed saray bakal iray masebeg. Saray makabat et aliwan lawas a walay anapay-bilay da, ag lawas onyayaman iray maung ya impanotek, tan ag lawas onaatagey ed kipapasen iray marunong. Say maoges a kapalaran onsasabi ed balang sakey.

Isaias 17:11

Anggaman a diad saman lamlamang a kabwasan na impantanem yod saray tanaman so intubo tan impanrosas da anggapo nin siansiay naani yo. Gunigon tan ag manondan sakit labat so onsabi.

Oseas 11:12

Say Katawan kuanto, “Saray totood Israel et niliktub da ak na saray tila tan palikdo, tan saray totood Juda et siansia nin onlalaban irad siak, say matoor tan masanton Dios.

Oseas 4:2

Mansisipan iray totoo, balet ag da lamlamang totooren; mantitila ra, mampapatey iray totoo, mantatakew ira, tan mankakalugoran ira. Mandakel so nagagawan krimin, tan mantotombukay panagpatey na too.

Oseas 4:8

Minmayaman kayo lapud saray kasalanan da ray totook, kanyan labalabay yon ompalaloy kasalanan da.

Oseas 7:3

Say Katawan kuanto, “Diad panamegley na saray totoo, papalikdoen da so ari tan saray opisyal to.

Oseas 8:7

No mangisibwag ira na dagem manani ra na bagyo! Say alog ya ag ontakken iray bungay tanaman to et ag balut makaiter na pantagano. Balet anggan bilang makapangiter, pambilay na saray taga arum a bansa.

1 Samuel 24:14

Nengneng mo no siopay labay a pateyen na ariy Israel! Nengneng mo no siopay oosilan to! Sakey ya inatey ya aso, sakey a lies!