Oseas 10:11 - Maung A Balita Biblia

¹¹ “Nen saman, say Israel et singa sakey a malangwer a bakan maung so inkipasal to; matintinunos a manilik. Balet ginetmak a pakuan so balibalin tenger to tan sintaan ko a mankimey na mairap. Impasen ko a manggoyur na lukoy so Juda tan mansagar so Israel.

Maung a Balita Biblia

¹¹ Nen saman, say Israel et singa sakey a malangwer a bakan maung so inkipasal to; matintinunos a manilik. Balet ginetmak a pakuan so balibalin tenger to tan sintaan ko a mankimey na mairap. Impasen ko a manggoyur na lukoy so Juda tan mansagar so Israel.

Oseas 10:11 Iomraidhean Croise

Isaias 28:24

Wala tay dumaralus a mambaka tan mansagar lawas so gawaen tod daralusan to?

Jeremias 28:14

Inkuan na Katawan a Makapanyarin-amin, say Dios na Israel, ya inan toy pakon balatyang so tenger na sarayan amin a bansa, tan panlingkuran day Ari Nabucodonosor iray ayayep ed katakelan.”

Jeremias 46:20

Singa balibalin baka so Egipto, a dinogpaan na sakey a kamontuk a nanlapud baybay.

Jeremias 50:11

Say Katawan kuanto, “Totoon taga Babilonia, sinamsaman yoy bansak. Anggaman a maliket tan magayaga kayo, a singa kayo bakan niakar ed saray malamlambut a dika, odino manaringing a kabayo,

Oseas 11:4

Sinayakop ko rad panangaro tan panangasi. Inalsak ira tan inampupok irad taklay ko; Yinmuyuko ak ya amakan ed sikara.

Oseas 3:1

Say Katawan kuantod siak, “Laka lamet, ta arom iman a biin mikakalugoran ed sakey a laki. Nepeg mon aroen a singa panangarok ni ed saray totood Israel, anggaman a sinmingger irad arum a diriyos tan labalabay day mangyapay na saray bagat a pasas ed saray talintaoy diriyos.”

Oseas 4:16

Benger a singa saray ayep a mula iray totood Israel. Panoy pamakan kod sikara a singa pamakan ed saray kordiro diad malambut a pastolan?

Oseas 9:1

Totood Israel, tondaan yo ray pansisilibra yod saray pista yo a singa saray pagano. Inkaindan yoy Dios yo tan nagmaliw kayon aliwan matoor ed sikato. Diad nandoroman pasen inlalako yoy sikayon dili a singa saray marotak a bibii ed dios a Baal tan labalabay yo ray trigon abaloan yon imbayar tod sikayo.

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

Deuteronomio 25:4

“Ag yo babalongosan so baka no paniiliken yo.