Oseas 10:10 - Maung A Balita Biblia

¹⁰ Dogpaan ko ra yan makasalanan a totoo tan dusaen ko ra. Mankakasakey iray bansa ya onlaban ed sikara, tan nadusa ra lapud saray amayamay a kasalanan da.

Maung a Balita Biblia

¹⁰ Dogpaan ko ra yan makasalanan a totoo tan dusaen ko ra. Mankakasakey iray bansa ya onlaban ed sikara, tan nadusa ra lapud saray amayamay a kasalanan da.

Oseas 10:10 Iomraidhean Croise

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, “Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!”

Say Libro nen Job 39:10

Nasinger moy sakey a bakan kalakyan, pian napambakam? Odino napansagar mod kaalogan mo?

Isaias 1:24

Kanyan dengel yo natan so ibabaga na Katawan a Makapanyarin-amin, say Makapanyarin Dios na Israel, “Ombawi ak ed sikayo ran kalaban ko, et ag yo ak lad satan nasigensigen.

Jeremias 15:6

Impolisay yo ak, sikayon totoo; imbeneg yo ak. Kanyan inyonat ko ray limak, tan kinabil ta kayo, lapud naoputan ak lay anos ed sikayo.

Jeremias 16:16

Say Katawan kuanto, “Mangibaki ak na saray amayamay a sumisigay a mangerel ed sarayan totoo. Insan mangibaki ak na saray amayamay ya umaanup a manganup ed sikara diad palandey tan pokdul, tan anggan diad saray abut ed saray ankakabaleg a bato.

Jeremias 21:4

ya ibaga rad kinen Sedekias a say Katawan a Dios na Israel kuanto, “Sedekias, taloen ko ray sondalom a pilalabanen mo sumpad ari na Babilonia tan saray sondalo to. Ibunton kod pegley na siudad iray armas yo.

Ezekiel 16:37

Lapud saya, pantitiponen kon amin iray kainarowan mo nen saman—saramay labalabay mo tan saramay kabosul mo. Paliktub ta ka ed sikara, insan ko ekaley kawes mo tan ipanengneng kod sikaray inkalakseb-labus mo.

Ezekiel 16:42

Diad satan onkepa lay pasnuk ko tan mandeen ak la. Ag ak la mampasnuk odino mangimon.

Ezekiel 23:46

Sikato yay ibabaga na Katawan a Dios: “Mangyakar kayo na sakey ya olup na saray totoon maoges a manaktakot tan manamsam na kayamanan na sarayan bibii.

Ezekiel 23:9

Kanyan impalimak ed saray taga Asiria kainarowan to a mapalaloy panlabay tod sikara.

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Oseas 10:9

Say Katawan kuanto, “Ag tinmondan mankakasalanan iray totook ya Israelita nanlapu lad samay impankasalanan dad Gabaa. Kanyan naabotan ira na bakal ed Gabaa.

Oseas 4:19

Nibantak ira naani ed arum a bansa, a singa ra intikyab na mabiskeg a dagem tan ombaing ira lapud saray paganon bagat da.

Oseas 4:9

Nadusa kayo met a singa kadusa da ray totoo! Dusaen ta kayo tan singilen ta kayod saray maoges a gagawaen yo.

Oseas 8:1

Say Katawan kuanto, “Paknul yoy trumpita! Singa agilan onsisibar ed dalin ko iray kalaban! Dineral na saray totook so impisipanan kod sikara tan sinumlang day ganggan ko.

Oseas 8:10

Balet natan pantitiponen ko ra, insan ko ra dusaen. Ag mabayag manayay irad panlikna ray kairapan no pairapen ira na ari na Asiria.

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.

Deuteronomio 28:63

No kaonungan so impanliket na Katawan ed impamaaligwas tan impamarakel tod sikayo, ontan met so panliket tod pamatey tan paneral ed sikayo. Napagit kayod dalin a ngalngali yo la nakayaryan a panayaman.