Oseas 10:1 - Maung A Balita Biblia

¹ Nen saman saray totood Israel et singa ra sengeg na ubas a napnoy bunga. No panoy inaligwas da, ontan met so indakel na saray altar ya impapaalagey da. No panoy indakel na bungay dalin da, ontan met so impamarakep dad saray masanton lusek ya igagalang da.

Maung a Balita Biblia

¹ Nen saman saray totood Israel et singa ra sengeg na ubas a napnoy bunga. No panoy inaligwas da, ontan met so indakel na saray altar ya impapaalagey da. No panoy indakel na bungay dalin da, ontan met so impamarakep dad saray masanton lusek ya igagalang da.

Oseas 10:1 Iomraidhean Croise

1 Saray Arari 14:23

Nanggagawa ra na saray pasen a pangigalangan ed saray tila-tilan diriyos, saray baton lusek, tan saray talintao nen diosan Asera diad toktok na saray pokdul tan diad silong na saray masalumpapak a kiew.

Jeremias 11:13

Say karakel na diriyos na saray totood Juda et singa karakel na saray siudad da; tan saray karakel na saray ginagawan altar a panangisaklangan na makapaingungot iran bagat ed kinen Baal na saray taga Jerusalem et singa karakel na saray dalan ed siudad.

Jeremias 11:17

“Siak, say Katawan a Makapanyarin-amin, intanem koy Israel tan Juda; balet natan ibabawag kod sikaray dusan panderal ed sikara. Dineral day sikaran dili, lapud nanggawa ray kaogsan; impanpasnuk da ak lapud impanbabagat dad kinen Baal.”

Jeremias 2:28

“Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

Oseas 12:11

Balet siansian nagagalang ed Galaad iray talintaoy diriyos, et ompatey iray mangigagalang ed saray talintao. Nibagat ed Gilgal iray baka, et magmaliw iran bunton na saray bato diad saray maawang a kaalogan iray altar diman.”

Oseas 12:8

‘Mayaman kami,’ kuanda. ‘Amayamay so atipon min kayaryan, tan anggapoy makaakusad sikami ed impansasaol mi.’

Oseas 13:15

Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Oseas 13:2

Itutuloy da niy panagkasalanan da diad panggagawa ra na saray mital a talintaoy diriyos a galgalangen da—saray talintaon pilak, a bunga na kanunotan tan say limay too so nanggawa. Insan da kuan, “Mangisaklang kayod sikara na saray bagat.” Panoy iyangub na saray totoo ed saraman a talintaoy diriyos—talintao ran kapara na saray bakan kalakyan?

Oseas 13:6

Balet nen akaloob kayod marakep a dalin, nampepesel kayo tan nampepenek kayo, insan kayo nagmaliw a mapaatagey tan alingwanan yo ak.

Oseas 2:10

Labusan kod arap na saray kainarowan to, et anggapoy makapangyagel ed sikatod pakayarik.

Oseas 2:8

Ag ton balut birbiren a siak so angiter ed sikato na trigo, alak, larak na oliba, tan amin a balituk tan pilak ya inkakana tod impangigagalang tod Baal.

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Oseas 4:7

“No panoy idadakel yon papari, ontan met so idadakel na kasalanan yo, kanyan pagmaliwen kon kababaingan so kagalangan yo.

Oseas 8:11

“No kaonungay idadakel na ipapaalagey dan pakaekalay kasalanan, ontan met so idadakel na saray pasen a pakapankasalananan da.

Oseas 8:4

“Amili ra na saray arari iray totook, balet ag da ak impibali ed impamili ra. Nantuturo ra na saray pangulo, balet anggapoy abubon ko. Ginagawa ran talintao iray pilak tan saray balituk da—balet kaderalan da ya lamlamang.

Levitico 26:1

Say Katawan kuanto, “Ag kayo manggagawa na saray diriyos, ni mangipapaalagey na saray talintao, saray baton lusek, odino saray kinortin bato a galangen yo. Siak so Katawan a Dios yo.

Nahum 2:2

Ngalngali la ipawil na Katawan so kagalangan na Israel, a singa samay kagalangan to kasakbayan a sinasamsaman na saray kalaban to.)

2 CORINTO 5:16

Kanyan natan, say pangamta miy siopaman et aliwa lan onung ed panagsintinsiay too. Nen inmona, onyay impangamta mid Cristo, balet aliwa lan onya natan.

FILIPOS 2:21

Ta anggapoy aanapey balang sakey no ag say pankaabigan ton dili, aliwan say pankaabigan nen Jesu-Cristo.