Oseas 1:4 - Maung A Balita Biblia

⁴ say Katawan kuantod kinen Oseas, “Ingaran mo na ‘Jezreel,’ ta magano lay panusak ed Israel lapud saramay impamapatey nen laki ton Jehu diad siudad na Jezreel. Patondaen ko la so panooley nen Jehu tan saray kabyangay pamilya to.

Maung a Balita Biblia

⁴ say Katawan kuantod kinen Oseas, Ingaran mo na Jezreel, ta magano lay panusak ed Israel lapud saramay impamapatey nen laki ton Jehu diad siudad na Jezreel. Patondaen ko la so panooley nen Jehu tan saray kabyangay pamilya to.

Oseas 1:4 Iomraidhean Croise

2 Saray Arari 10:1

Wala ray pitomplon kabyangay boleg nen Acab a manaayam ed siudad na Samaria. Nansulat si Jehu tan impawitan toy kopia iray manoley ed siudad, saray manonan ombaley, tan saray manaasikasod saray kabyangay boleg nen Acab. Onyay tanul na sulat:

2 Saray Arari 10:17

Kasabi rad man, pinatey nen Jehu ray amin a kakanayon nen Acab; anggapoy intilak to ya anggan sakey, onung na imbagay Katawan diad panamegley nen Elias.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

2 Saray Arari 15:8

Nen kumatalomplo tan walon taon na panooley nen Ari Uzias ed Juda, nagmaliw ya ari na Israel si Zacarias a lakin anak nen Jeroboam, tan nanayam ed Samaria legan ton nanoley ya anem bulan.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Isaias 8:3

Ag abayag nanlokun so asawak. Nen nianak so anak min laki inkuan ed siak na Katawan, “Ngaranan mo na Mahershalal-hash-baz.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Jeremias 20:3

Diad kaimbuas, nen impaokbaran ak la nen Pasur, inkuankod sikato, “Aliwan Pasur so impangingaran na Katawan ed sika. Initdan to ka na ngaran a ‘Makapataktakot ed Anggan Iner a Pasen.’

Jeremias 23:2

Sikato yay kuan na Katawan a Dios na Israel nipaakar ed saray manoley a sikara komuy angasikasod saray totoo to, “Intaytayak yo ray totook tan pinataynan yo ra; ag yo ra inasikaso. Dusaen ta kayo natan lapud saray maoges a ginagawa yo.

Jeremias 3:8

Anengneng met na Juda ya insian koy Israel tan pinataynan ko, lapud inkaindan to ak tan nagmaliw a marotak a bii. Balet ag tinmakot so Juda ya aliwan matoor a biin agi na Israel. Nagmaliw met a marotak a bii,

Ezekiel 23:10

Nilakseban tan nilabusan da, sinisingkat da ray anak ton lalaki tan bibii, insan da pinatey ed ispada. Amin da ray bibii ed inerman a pasen et tinatalabutob day inkagawa ed sikato.

Ezekiel 23:31

Inalig moy agim, kanyan itdan ta kayoy namparan kupa na dusan inomen yo.”

Oseas 1:6

Nanlokun lamet si Gomer tan nananak na sakey a bii. Say Katawan kuantod kinen Oseas, “Ingaran mo so anak mo na “Ag naaro,” ta ag ko la aroen iray totood Israel odino pirdonaen ira.

Oseas 1:9

Say Katawan kuantod kinen Oseas, “Ingaran mo so anak mo na ‘Aliwan-Took,’ ta ag ko totoo iray totood Israel, tan aliwan siak so Dios da.”

Oseas 2:13

Dusaen ko lapud saray panaon ya inkaindan to ak, ta nampopool ed Baal na insinso tan insosolung to ray alahas pian naayat to ray kainarowan to. Say Katawan so nansalita.

Oseas 9:17

Say Dios a panlilingkuran ko et ipolisay to ray totoo to, lapud ag ira dinmengel ed sikato. Magmaliw iran akar-akar ed saray bansa.

Amos 9:8

Siak, say Katawan a Dios, et babantayan ko yan makasalanan a nanarian na Israel, tan deralen kod tapew na dalin. Balet ag ko deralen ya amin iray kabyangay boleg nen Jacob.

Mateo 1:21

Mananak na laki. Jesus so ingaran mod sikato, ta sikatoy mangilaban ed saray totoo tod saray kasalanan da.”

Lucas 1:13

Inkuanto may anghil, “Ag ka natatakot, Zacarias, ta dinengel na Dios so pikakasim! Si Elizabet ya asawam et mananak na sakey a laki. Juan so pangingaran mod sikato.

Lucas 1:31

Manlokun tan mananak kay sakey a laki, tan Jesus so pangingaran mod sikato.

Lucas 1:63

Kinmerew si Zacarias na pansulatan to, tan insulat to: “Juan so ngaran to!” Mankelaw iran amin!

Juan 1:42

Insan intagar toy Simon ed kinen Jesus. Ninengneng nen Jesus tan kuanto, “Sikay Simon ya anak nen Juan. Nangaranan ka na Cefas.” (Say ngaran a Cefas, kapara toy ngaran a Pedro.)

Josue 19:18

Say dalin da et sakop toy Jezreel, Kesulot, Sunem,