Obadias 1:3 - Maung A Balita Biblia

³ Pinalikdo ka na panagpaatagey mo. Manaayam ka ed tirinsiran malmalet a baton-dampay; walad toktok na saray palandey so abung mo, kanyan kuanmod sikan dili, ‘Siopay makapangileksab ed siak?’

Maung a Balita Biblia

³ Pinalikdo ka na panagpaatagey mo. Manaayam ka ed tirinsiran malmalet a baton-dampay; walad toktok na saray palandey so abung mo, kanyan kuanmod sikan dili, Siopay makapangileksab ed siak?

Obadias 1:3 Iomraidhean Croise

Genesis 36:8

Nanayam si Esau ed kapokdulan na Edom.

2 Saray Arari 14:7

Pinatey nen Amasias iray samplon libo ya Edomitan sondalo diad Patar na Asin; diad bakal dinakep toy siudad na Sela, insan tinawag to na Jokteel, say ngaran ya ag ni naoman ya anggad natan.

2 Saray Awaran 25:11

Pinabiskeg nen Amasias so linawa to tan impangulo to ray sondalo to a linmad Patar na Asin. Diman ira nambabakal et akapatey ira di Amasias na samplon libon Edomitan sondalo

2 Saray Awaran 25:12

tan akadakep ira na samplon libo. Inyakar da ra yan adakep da ed tambib na kelas ed siudad na Sela insan da ra intutulak. Kanyan inaatey iran amin ed tapew na saray baton ankakabaleg ed leksab.

Say Libro nen Job 20:6

Nayarin ombaleg ya anggad tawen, tan diad kaatagey to natokdul na olo to iray lorem,

Probirbio 16:18

Say panagpaatagey mansusumpal ed kaderal, tan say panaglastug, diad katumba.

Probirbio 18:12

Anggapoy toon napapagalangan likud no sikatoy mapaabeba; mamapaarap ed deral iray totoon mapaatagey.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

Isaias 16:6

Saray totood Juda kuanda, “Nadngelan min ontan lay panagpaatagey da ray taga Moab. Amta mi a malastug tan anggapoy pangitaltalek da, balet andi-kana ya amin so ipapangaya ra.”

Jeremias 21:13

Sika, Jerusalem, manyodyorung kad pasen ya atagey nen saray patar, a singa baton-dampay ya atagey nen say palanas a dalin. Balet, siak, say Katawan, labanan ta ka. Ibabagam ya anggapoy makadogpa ed sika odino makaloob ed kawalaan mo.

Jeremias 37:9

Papasakbayan ta ka, siak a Katawan, ya ag mo papalikdoey sikan dili diad panilalom ya ag dia ompawil iray taga Babilonia, ta talagan ompawil ira.

Jeremias 48:28

“Sikayo ran taga Moab, taynanan yo ray baley yo! Laka yon manayam ed saray diking na kapalandeyan! Alig yo ray palekpek-punay a manobung ed saray gilig na kelas.

Jeremias 49:16

Pinalikdo ka na panagpaatagey mo. Anggapoy ontatakot ed sika ya aliwan singa iisipen mo. Manaayam kayod saray mabaton diking na kapalandeyan, atagey diad toktok na palandey; balet anggaman a manayam kayod atagtagey a singa kawalaay obung na agila, iyakseb kayo na Katawan. Say Katawan so nansalita.”

Jeremias 49:4

Akin et mapaatagey kayo, sikayon aliwan matoor a totoo? Nanaandian kayo lay biskeg. Akin et manmamatalek kayod pakayari yon dili, tan ibabaga yon anggapoy ondogpad sikayo?

Ezekiel 28:16

Anggapoy tondam a nansasaliw tan nanlalako, balet sikato yay makasengeg na impagmaliw mon maruksa tan makasalanan. Kanyan pinasoot ta kan ontaynan ed masanton palandey ko, tan samay anghil a nambantay ed sika et pinaarawi to kad saramay mankidyam a mabmablin bato.

Malakias 1:4

No ibaga na saray kabyangay boleg nen Esau salanti saray Edomita, “Aderal-deral iray baley mi, balet pasimbaloen mi ran ipaalagey,” say Katawan onebat ed satan, “Pasimbaloen da ra labat ya ipaalagey—igebak ira lamet. Tawagen ira na saray totoo, ‘Say maoges a bansa’ tan ‘Say bansan pamapasnukan na Katawan.’”