Obadias 1:20 - Maung A Balita Biblia

²⁰ Saray sondalon taga baybay na Israel a nibantak iran adakep ed arum a bansa et ompawil ira tan nadakep day Fenicia ya anggad Sarefat. Saray taga Jerusalem a nibantak iran adakep ed Sardis et nadakep da ray baley ed abalaten na Juda.

Maung a Balita Biblia

²⁰ Saray sondalon taga baybay na Israel a nibantak iran adakep ed arum a bansa et ompawil ira tan nadakep day Fenicia ya anggad Sarefat. Saray taga Jerusalem a nibantak iran adakep ed Sardis et nadakep da ray baley ed abalaten na Juda.

Obadias 1:20 Iomraidhean Croise

Jeremias 13:19

Nilakob na saray sondalo iray baley ed abalaten na Juda; anggapo so toon makadalan ed saray baley. Nala ya amin iray totood Juda tan nibantak ira ed arum a bansa.”

Jeremias 3:18

Mikasakey ed satan so Israel ed Juda, insan manolup iran manlapud dalin ya akadakepan da diad baybay, tan onla rad dalin ya inter kon andi-anggaan a kayaryan na saray lalaki yo.”

Jeremias 32:44

Saliwen ira na saray totoo, tan napirmaan iray kasulatan na saliwan, natimbrian ira, tan natasian ira. Nagawa ya ed pasen a sakop na dalin na Benjamin, diad saray bario ed kaliber-liber na Jerusalem, diad saray baley na Juda, tan diad saray baley ed kapokdulan, diad saray alusadsar, tan diad abalaten na Juda. Papawilen kod dalin da iray totoo. Siak, say Katawan, so nansalita.”

Jeremias 33:13

Diad saray baley ed kapokdulan, diad saray alusadsar, diad abalaten na Juda, diad dalin a sakop na Benjamin, diad saray bario ed kaliber-liber na Jerusalem, tan diad saray baley na Juda, saray pumapastol et bilangen da lamet iray karniro ra. Siak, say Katawan, so nansalita.”

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Ezekiel 36:12

Papawilen ta kayo, sikayon totook ya Israelita, a manayam lamet ed dalin yo. Magmaliw a dilin dalin yo, tan ag to lan balut paerasen iray anak yo.

Lucas 4:26

Balet ag nibakiy Elias ed anggan siopad sikara. Nibaki inged sakey a balon bii ed Sarepta, sakey a baley ed Sidon.