Obadias 1:19 - Maung A Balita Biblia

¹⁹ “Saray totoon taga abalaten na Juda et kayaryanen dan panayaman so Edom; dakepen na saray taga sagur a manaayam ed alusadsar na kapokdulan so Filistia. Kayaryanen na saray Israelita so dalin na Efraim tan Samaria; kayaryanen na saray totoon kabyangay boleg nen Benjamin so Galaad.

Maung a Balita Biblia

¹⁹ Saray totoon taga abalaten na Juda et kayaryanen dan panayaman so Edom; dakepen na saray taga sagur a manaayam ed alusadsar na kapokdulan so Filistia. Kayaryanen na saray Israelita so dalin na Efraim tan Samaria; kayaryanen na saray totoon kabyangay boleg nen Benjamin so Galaad.

Obadias 1:19 Iomraidhean Croise

2 Saray Arari 17:24

Say impirador na Asiria angawit na saray totoon taga saray siudad na Babilonia, Cuta, Ava, Hamat, tan Sefarvaim, insan impanayam to rad saray siudad na Samaria. Sikaray kasalat na saray Israelitan niakar ed Asiria. Kinayaryan da ra yan siudad tan diman ira nanayam.

1 Saray Awaran 5:26

Kanyan pinaloob na Dios si Impirador Pul na Asiria (tatawagen met na Tiglat-pileser) ed bansa ra. Pinataynan to ray tribu nen Ruben, Gad, tan say kapaldua na Manases, insan to ra imbaki ed Halah, Habor, Hara, tan diad abay na Ilog na Gozan, ta diman lay panayaman da.

Esdras 4:17

Impawit na impirador yan ebat: “Awat yoy pabanok ed sikayo: Rehum a gobirnador, Simsai a sikritario na luyag, tan saray kaiba yo a manaayam ed Samaria, tan saray arum a pasen ed Sagur na Eufrates.

Esdras 4:2

Kanyan linma rad kinen Zorobabel tan saray pangulo da ray boleg tan kuanda, “Ibaan mi kayo a mangipaalagey na Timplo. Igagalang miy Dios ya igagalang yo tan mangibabagat kamid sikato nanlapu lad samay panaon ya imbaki kami nen Impirador Esar-hadon na Asiria, a manayam dia.”

Saray Salmo 69:35

Ilaban toy Jerusalem tan iletneg to lamet iray baley ed Juda. Manayam irad may totoo to tan kayaryanen day dalin;

Jeremias 32:44

Saliwen ira na saray totoo, tan napirmaan iray kasulatan na saliwan, natimbrian ira, tan natasian ira. Nagawa ya ed pasen a sakop na dalin na Benjamin, diad saray bario ed kaliber-liber na Jerusalem, diad saray baley na Juda, tan diad saray baley ed kapokdulan, diad saray alusadsar, tan diad abalaten na Juda. Papawilen kod dalin da iray totoo. Siak, say Katawan, so nansalita.”

Jeremias 49:1

Sikato yay inkuan na Katawan nipaakar ed Ammon: “Iner so kawalaan da ray lalaki na Israel? Anggapo ta lad sikaray mangyagel ed dalin da? Akin et inabuloyan da ray totoon manangigalang ed dios a Moloc a sakopen day dalin na tribu nen Gad tan manayam irad man?

Ezekiel 25:16

Kanyan ibabawag ko a dogpaan ko ray Filisteo tan paandipaten ko ra. Deralen koy balang too ya atilak a manaayam ed Patar na Filistia.

Ezekiel 36:28

Insan manayam kayod dalin ya inter kod saray lalaki yo. Magmaliw kayon totook tan siak so Dios yo.

Amos 1:13

Say Katawan kuanto, “Nankakasalanan iray taga Ammon, kanyan andi-saew a dusaen ko ra. Diad impibakal dan manakop na arum iran dalin, binubutyakan da ray anggan bibiin malokun ed Galaad.

Amos 1:8

Ekalen kod pakaoley iray manoley ed saray siudad na Asdod tan Askelon. Dusaen koy siudad na Ekron, tan ompatey ya amin iray Filisteo ya atilak.”

Amos 9:12

Kanyan naala na saray totood Israel so akeraan ed dalin na Edom tan amin da ray bansan kayaryan ko ra nen saman,” kuay Katawan a mangyabuloy a nagawa ra ya.

Mikias 7:14

Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.

Josue 13:25

Sakop na dalin da so Jazer tan amin da ray siudad na Galaad, say kapaldua na dalin na Amon ya anggad Aroer na nibokig na Raba;

Josue 13:31

Sakop met na dalin da so kapalduay Galaad, pati say Astarot tan Edrei, saray manonan siudad na nanarian nen Og diad Basan. Sikara ya so niiter ed kapaldua na saray pamilya a say sengeg da et si Makir a lakin anak nen Manases.

Josue 15:21

Saray siudad a wala rad bandad abalaten a kayaryan da, ya asingger irad ketegan na Edom, et saraya: Cabseel, Eder, Jagur,

Josue 15:33

Saray siudad ed saray alusadsar et saraya: Estaol, Zora, Asena,