Obadias 1:12 - Maung A Balita Biblia

¹² Ag yo nepeg a nanliketan komun imay makapasinagem ya agawad saray agagi yod Juda. Ag yo nepeg so nanliket komun ed samay agew na inkaderal da. Ag yo nepeg ya ineelekan ira komun diad samay inkaermenan da.

Maung a Balita Biblia

¹² Ag yo nepeg a nanliketan komun imay makapasinagem ya agawad saray agagi yod Juda. Ag yo nepeg so nanliket komun ed samay agew na inkaderal da. Ag yo nepeg ya ineelekan ira komun diad samay inkaermenan da.

Obadias 1:12 Iomraidhean Croise

Say Libro nen Job 18:20

Manlapud bokig ya anggad sagur, amin iray makangel ed inkagawa to, onkelaw tan onggiwgiw irad takot.

Say Libro nen Job 31:29

Nen naniirap iray kalaban ko ag ak balut nanliket, odino nanggayaga nen walay dinmalan a deral ed sikara.

Saray Salmo 22:17

Sankanengneng la ray pokel ko. Nengnengnengen tan molmolagatan ak na saray kalaban ko.

Saray Salmo 31:18

Patondam pa lan pansasalitaen iray matitila— amin da ray malalastug tan mapaatagey a mansasalitay pamabaing nipaakar ed saray totoon matonung.

Saray Salmo 35:15

Balet nen maniirap ak, makaliliket ira tan niliktub da ak a ludlureyen; kinabil ak na saray totoon ag ko kabat tan ag da ak tinondaan a pinairap.

Saray Salmo 37:13

Eelekan na Katawan iray totoon maoges, ta amta ton maganggano lan onsabiy kadusa ra.

Saray Salmo 54:7

Inyagel mo ak ed amin da ray gunigon ko, tan anengneng kon atalo ray kalaban ko.

Saray Salmo 59:10

Inaro ak na Dios ko tan dagoen to ak; ipanengneng tod siak so katalo na saray kalaban ko.

Saray Salmo 92:11

Anengneng koy inkatalo da ray kalaban ko tan arengel koy tawag da ray totoon maoges.

Probirbio 17:5

No ludlureyen mo ray mairap-bilay ludlureyen moy Dios ya amalsad sikara. Nadusa ka no panliketan moy segsegang a sinmabid sakey a too.

Isaias 37:24

Angibaki ka na saray totoom ya ipasirayew dad siak a dinakep mo ray sankaatageyan a palandey na Libano, lapud saray amayamay a karwahim. Impasirayew mo a nambabatang kad man na saray sankaatageyan a kiew a sidro tan saray sankaabigan a kiew na saleng, tan nakar mo ray sankaote-otelan na saray takel.

Saray Tagleey 2:16

Balbalawen ka na amin da ray kalaban mo tan lapud pambosul da, mulmuldagatan da ka. Manngilngilet ira tan mankobibit ira, “Aderal mi la! Sikato yay aalagaren min agew!”

Saray Tagleey 4:21

Manliket tan manggayaga kayo, sikayon taga Edom tan Uz. Onsabi met ed sikayoy deral, mandongilngil kayo met a manakar-akar ya anggapoy kawes.

Ezekiel 35:12

Diad satan, nakabatan mo a siak a Katawan et nadngel ko may mapaatagey mon impansalita a begtebegtew iray kapalandeyan na Israel tan nayarian mon gawaen so labalabay mo ed sikara.

Ezekiel 35:15

a singa samay impanliket mod inkaderal na Israel a kayaryan ko. Say kapalandeyan na Seir, on, say intiron dalin na Edom, magmaliw a begtebegtew. Diad satan naamtaan na amin a katoowan a siak so Katawan.”

Ezekiel 36:5

“Diad gaway pasnuk ko, siak a Katawan a Dios, nansalita ak na sumpad saray kaliber-liber a bansa, nagkalalo lad Edom. Diad ontan lan liket tan panagbalaw da, dinakep day dalin ko tan kinayaryan da ray pastolan to.

Mikias 4:11

Nantitipon iray amayamay a bansa ya ondogpad sikayo. Kuanda, “Nepeg a naderal so Jerusalem! Nengnengen tayon aderal-deral yan siudad!”

Lucas 19:41

Asingsingger lay Jesus ed siudad na Jerusalem. Kanengneng tod siudad inakisan to

Santiago 3:5

Ontan met ed dilay too: melmelag a partiy laman, balet nayarian ton ipasirayew iray baleg a bengatla. Nunnunot yo pa labat! Napaliub na melmelag ya apoy so maawang a katakelan.

2 Pedro 2:18

Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.

Judas 1:16

Mariklamo ra yan totoo tan managtetel irad saray arum; oonuren day maoges a pilalek na laman, mapaatagey irad panagsalita, tan papalingoen da ray arum, pian naala ray labay da.

Puyan 13:5

Naabuloyan imay ayep a mampasirayew, mansalitay sumpad Dios, tan manoley ed loob na apataplo tan duay bulan.

1 Samuel 2:3

Itonda yo lay makmaknul a panagpasirayew yo; ag ki la mampapasirayew ed saray panagsalita yo. Ta say Katawan et sakey a Dios a makapikabat ed amin, tan sintinsiaan toy amin a gawgawa na katoowan.