Obadias 1:11 - Maung A Balita Biblia

¹¹ Nen saray kalaban da et nilooban da ray puirta ra, manalalagey kayo labat ed bandad arawi. Kaparpara yon maoges ira may taga arum a bansan nansasamsam na kayamanan na Jerusalem, insan da inaapag ed sikaran dili.

Maung a Balita Biblia

¹¹ Nen saray kalaban da et nilooban da ray puirta ra, manalalagey kayo labat ed bandad arawi. Kaparpara yon maoges ira may taga arum a bansan nansasamsam na kayamanan na Jerusalem, insan da inaapag ed sikaran dili.

Obadias 1:11 Iomraidhean Croise

2 Saray Arari 25:11

Insan inawit nen Nebuzaradan ed Babilonia iray totoon atilak ed siudad, saray atilak a marunong a kumikimey, tan saray akigampid saray taga Babilonia.

Saray Salmo 137:7

Nunot mo pa, Katawan, so ginagawa da ray Edomita, nen agew ya adakep so Jerusalem. Nunot mo may imbabagbaga ra, “Geba yo ya anggad pundasion to!”

Saray Salmo 50:18

No makanenengneng kayoy matakew, magmaliw kayon kakaaro to, tan kaolup-olup yo ray mikakaloguran.

Saray Salmo 83:5

Onaabubon iran amin ed plano ra, tan nankakasakey iran onsumpad sika:

Saray Salmo 83:6

saray totood Edom tan saray Ismaelita; saray taga Moab tan saray Agareno;

Ezekiel 35:10

“Imbagam a kayaryan mo ra may duaran bansa, say Juda tan say Israel, tan saray dalin da, tan sakopen mo ra, anggaman a siak a Katawan so Dios da.

Joel 3:3

Nampapalaranan ira no siopay mangalad saray adakep. Inlalako ran aripen iray ogogaw a lalaki tan bibii, pian walay nibayar dad saray marotak a bibii tan walay nisaliw day alak.

Amos 1:6

Say Katawan kuanto, “Nankakasalanan iray taga Gaza, kanyan andi-saew a dusaen ko ra. Inaala da ray amin a totood saman a bansa, insan da ra inlalakon aripen ed saray taga Edom.

Amos 1:9

Say Katawan kuanto, “Nankakasalanan iray taga Tiro, kanyan andi-saew a dusaen ko ra. Inyaakar dan adakep ed dalin na Edom iray amin a totood sakey a bansa, tan ag da tinoor so impisipanan dan mikaaro.

Nahum 3:10

Balet saray totood Tebes et nibantak irad arum a bansa. Diad inerman a sokung na dalan, saray anak da et nipaspas ira ya anggad ag da impatey. Agolunggolungan a niakar ed arum a bansa iray manonan totoo ra tan nanaapagan ira na saray akadakep ed sikara.

Sofonias 2:10

Onya so pakadusa na saray totood Moab tan Ammon lapud panagpaatagey da tan lapud pinapabaingan da ray totoo na Katawan a Makapanyarin-amin.