Nehemias 9:8 - Maung A Balita Biblia

⁸ Arumog mon matoor ed sika, insan akisipanan kad sikato. Insipan mon iter ed sikatoy dalin na saray Cananeo, say dalin na saray Heteo tan saray Amorreo, say dalin na saray Perezeo, Jebuseo, tan saray Gergeseo; inter mo a panayaman na saray kabyangay boleg to. Sinumpal moy sipan mo, lapud matoor ka.

Maung a Balita Biblia

⁸ Arumog mon matoor ed sika, insan akisipanan kad sikato. Insipan mon iter ed sikatoy dalin na saray Cananeo, say dalin na saray Heteo tan saray Amorreo, say dalin na saray Perezeo, Jebuseo, tan saray Gergeseo; inter mo a panayaman na saray kabyangay boleg to. Sinumpal moy sipan mo, lapud matoor ka.

Nehemias 9:8 Iomraidhean Croise

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 15:6

Anisiay Abram ed Katawan, tan lapud sayan pananisia to say Katawan impasen ton matonung si Abram.

Genesis 22:12

“Ag mo didiwiten itay ogaw o panggawaan na antokaman,” inkuanto. “Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.”

2 Samuel 22:31

Ayadyari ray gawa na sayan Dios, napanmatalkan iray salita to! Aliling toy samper ed amin da ray pa paiyagel ed sikato.

1 Saray Awaran 1:14

Si Canaan so sengeg na saray Jebuseo, Amorreo, Gergeseo,

1 Saray Awaran 16:16

say impisipanan tod kinen Abraham, say sinambaan tod kinen Isaac.

Esdras 9:15

Katawan a Dios na Israel, matonung ka, balet inyabuloy mon mambilay kami ni. Ipatwa mi ray kasalanan mid sika; anggapoy kanepegan min miarapan ed sika.”

Nehemias 9:33

Maptek so ginawam diad impanusam ed sikami; matoor ka lawas, anggaman a nankasalanan kami.

Saray Salmo 116:5

Mapangasi tan matonung so Katawan; maabagey so Dios tayo.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Ezekiel 33:24

Inkuanto, “Siak a toon ompatey, saray totoon manaayam ed saray aderal-deral a siudad na dalin na Israel et ibabaga ra: ‘Saksakey a too si Abraham, et niiter ed sikatoy intiron dalin. Amayamay itayo la, kanyan natan kayaryan tayo la yay dalin.’

Saray Bilang 13:29

Diad niabalaten a parti na saman a dalin saray Amalecita so manaayam; diad kapokdulan iran pasen saray Heteo, Jebuseo, tan saray Amorreo so manaayam; tan diad gilig na Dayat na Mediteraneo tan diad gilig na Ilog na Jordan saray Cananeo so manaayam.”

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Saray Gawgawa 13:22

Nen inekal lay Dios si Saul, inter ton manarid sikara si David. Onyay imbagay Dios nipaakar ed sikato: ‘Nalmok a si David ya anak nen Jesse so toon pakaliliketan ko, sakey a toon sipaparaan a manumpal na amin a linawak.’

Deuteronomio 26:3

Laka yod pari a peles ton manlilingkur ed satan a panaon tan ikuanyo, ‘Birbiren ko natan ed Katawan a Dios ko ya akaloob ak la ed dalin ya insipan tod saray lalaki mi ya iter ed sikami.’

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Deuteronomio 9:5

Say Katawan et pakakayaryan tod sikayo so dalin da, aliwan lapud maung kayon totoo tan gagawaen yo so katunongan. Pataynanen to ra lapud maoges ira tan lapud labay ton tooren imay insipan tod saray lalaki yo ya Abraham, Isaac, tan Jacob.

Tito 1:2

a niletneg ed ilalod andi-anggaan a bilay. Say Dios ya ag mantila so angisipan ed sayan bilay, nanlapu lad kasakbayan na inkapalsay mundo.

Saray Hebreo 11:17

Lapud pananisia, si Abraham, nen sinubok na Dios, inter ton bagat si anak ton Isaac. Si Abraham so angiteray Dios na sipan; anggaman ontan, sipaparaan a mangibagat ed saksakey ya anak to.

Saray Hebreo 6:18

Kanyan say sipan tan say samba to et ag ira mangoman, tan ag makapantilay Dios nipaakar ed saraya. Sikatayo sirin a sinmaral ed sikato et mabiskeg so linawa tayo a manilalod insipan tod sikatayo.

Josue 11:23

Adakep nen Josue so intiron dalin, onung na ingganggan na Katawan ed kinen Moises. Inter nen Josue so dalin ed saray Israelita; inaapag tod balang tribu. Tinmonda ray bakal kanyan nainawaan iray totood Israel.

Josue 11:3

Nampabakian to met iray Cananeon manaayam ed duaran dapag na Jordan, saray Amorreo, saray Heteo, saray Pereseo, tan saray Jebuseo a wala rad kapokdulan a pasen, ontan met ed saray Heveo a manaayam irad alusadsar na Palandey na Hermon diad dalin na Mizpa.

Josue 23:14

“Magano ak lan ontaynan ed sayan mundo. Amta na balang sakey ed sikayo diad puso tan kamarerwa to a say Katawan a Dios yo et inter tod sikayoy amin iran maabig a bengatla ya insipan to. Asumpal ya amin iray insipan to; anggapoy ag agawa.

Josue 9:1

Saray impanatalo na Israel et akabatan na amin ya ari ed sagur na Jordan diad saray kapokdulan, diad saray alusadsar, tan diad saray patar ed gilig na Dayat na Mediteraneo ya anggad Libano diad baybay; sikara ya so ari da ray Heteo, saray Amorreo, saray Cananeo, saray Pereseo, saray Heveo, tan saray Jebuseo.

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.