Nehemias 9:37 - Maung A Balita Biblia

³⁷ Saray bungay dalin oonla rad saray arari ya inter mo ran manoley ed sikami lapud impankasalanan mi. Gagawaen dad sikami tan saray ayayep mi so labalabay da, kanyan sigput kamin pangaskasiyan!”

Maung a Balita Biblia

³⁷ Saray bungay dalin oonla rad saray arari ya inter mo ran manoley ed sikami lapud impankasalanan mi. Gagawaen dad sikami tan saray ayayep mi so labalabay da, kanyan sigput kamin pangaskasiyan!

Nehemias 9:37 Iomraidhean Croise

Esdras 4:13

Kagalang min Impirador, no nipaalagey la lamet yan siudad tan nasumpal la ray padir to, ag la mambayar na buis iray totoo, et diad onya ondaiset so onloob a kuarta ed palasio.

Esdras 6:8

Igaganggan kod sikayo a tulongan yo ran mangipaalagey lamet. Nepeg a nabayaran a tampol iray amin a gagastosen da; say kuartad palasio a natitipon manlapud saray buis na Sagur na Eufrates so pangalaan na ibayar, pian ag ontonda so kimey.

Esdras 7:24

Sebel ed sikayo so mangala na saray buis ed saray papari, saray Levita, saray tumutogtog tan saray kumakanta, saray guardia, saray kumikimey, odino siopaman nin manlilingkur ed Timplo.

Nehemias 5:8

Inkuankod sikara, “Gagawaen tayoy anggaay nayarian tayon manondon ed saray agagi tayon Judio a nilako rad saray arum a bansa. Natan balet, papasooten yo ray agagi yo ya ilako ray sikaran dili ed sikayo a kapara ran Judio!” Ag makaskasel iray pangulo tan anggapoy nibaga ra.

Saray Tagleey 5:5

Pinairap da kamin pinabatik a singa asno o kamilyo, naknaksawan kami, balet ag da kami abuloyan a mampainawa.

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Juan 8:33

Inmebat irad sikato, “Kabyangan kamiy boleg nen Abraham, tan ag kamin balut naaripey siopaman. Panoy pangibagam a nabolus kami?”

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.

Deuteronomio 28:39

Mantanem kayoy ubas tan asikasoen yo ra, balet ag kayo makaborbor na bunga ra o makainom na alak a manlapud saraya, lapud kanen na bigis iray sengeg da.

Deuteronomio 28:48

Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawes—amin a nakaukolan yo. Pairapen kayon mapalalo na Katawan ya anggad ompatey kayo.

Deuteronomio 28:51

Kanen da ray ayayep yo tan saray bunga da ray tanaman yo, et ompatey kayod eras. Ag da kayo ikeraan na saray bungay tanaman yod alog, alak, larak na oliba, baka, odino karniro; et ompatey kayo.