Nehemias 9:32 - Maung A Balita Biblia

³² “O Dios mi, alay talonggaring mo! Makapataktakot tan makapanyarin tuloy! Matoor mon susumpalen so impisipanan mo. Nanlapu lad samay panaon a pinapairap kami na saray ararid Asiria, ontan lay paniirap mi ya anggad natan. Saray arari mi, saray pangulo mi, saray papari tan saray propita mi, saray lalaki mi, tan amin a totoo mi et maniirap ira. Nudnunot mo pa so ontan lan impanirap mi!

Maung a Balita Biblia

³² O Dios mi, alay talonggaring mo! Makapataktakot tan makapanyarin tuloy! Matoor mon susumpalen so impisipanan mo. Nanlapu lad samay panaon a pinapairap kami na saray ararid Asiria, ontan lay paniirap mi ya anggad natan. Saray arari mi, saray pangulo mi, saray papari tan saray propita mi, saray lalaki mi, tan amin a totoo mi et maniirap ira. Nudnunot mo pa so ontan lan impanirap mi!

Nehemias 9:32 Iomraidhean Croise

1 Saray Arari 8:23

tan nampikasi, “Katawan a Dios na Israel, anggapoy arum a dios a miparad sika diad tawen odino diad dalin! Matoor kad impisipanan mod saray totoom tan ipapanengneng moy ag mangoman a panangarom ed saray totoon sigput a matoor ed sika.

2 Saray Arari 15:19

Nilabanan nen Impirador Tiglat-pileser na Asiria so Israel, et initdan nen Menahem na talomplo tan walon toniladan pilak, pian pansiansiaen ton manoley ed Israel.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

2 Saray Arari 17:3

Akibakal ed sikatoy Impirador Salmaneser na Asiria; sinmukoy Oseas ed kinen Salmaneser, kanyan tinaon a nambabayar na buis ed sikato.

2 Saray Arari 17:6

a sikatoy kumasyam a taon na panooley nen Oseas, adakep na impirador na Asiria so Samaria; inawit tod Asiria iray Israelitan adakep to, insan impanayam to ray arum ed siudad na Hala, saray arum diad asingger ed Ilog na Habor diad distrito na Gozan, tan saray arum diad saray siudad na Media.

2 Saray Arari 23:29

Legan na panaari nen Josias, impangulo nen Ari Neco na Egipto ed Ilog na Eufrates so sakey ya olup na saray sondalo, ta tulongan toy ari na Asiria. Inatey ed bakal si Ari Josias nen diad Megido et inabet ton patondaen ira may sondalo na Egipto.

2 Saray Arari 25:7

Diad arap nen Sedekias so amateyan ed saray anak ton lalaki; insan impasokit nen Nabucodonosor iray mata to, impagolunggolungan to, tan impaiyakar tod Babilonia.

Esdras 4:10

tan saray arum a totoon pinaekal nen matalonggaring tan makapanyarin Asnapar ed panaayaman da, insan to ra impanayam ed siudad na Samaria tan arum ni ran pasen diad Luyag na Sagur na Eufrates.”

Esdras 4:2

Kanyan linma rad kinen Zorobabel tan saray pangulo da ray boleg tan kuanda, “Ibaan mi kayo a mangipaalagey na Timplo. Igagalang miy Dios ya igagalang yo tan mangibabagat kamid sikato nanlapu lad samay panaon ya imbaki kami nen Impirador Esar-hadon na Asiria, a manayam dia.”

Esdras 9:13

Anggan kayari na impakadusa mi lapud saray maoges tan makapoy a ginagawa mi, amta mi, O Dios mi, a daiset nen say kanepegan min dusa so inter mod sikami tan inyabuloy mo ingen a makapambilay kami ni.

Nehemias 1:5

“Katawan a Dios na Tawen! Matalonggaring ka tan nepeg kan takotan. Matoor kan mangaro tan susumpalen moy impisipanan mo ed saray mangaarod sika tan mangoonur na saray ganggan mo.

Saray Salmo 47:2

Nepeg a takotan so Katawan a Sankatageyan; matalonggaring ya ari a manooley ed sankamundoan.

Saray Salmo 66:3

Kuanyod Dios, “Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.

Saray Salmo 66:5

Gali dia ta nengneng yoy ginagaway Dios, saray makapakelaw a ginagawa tod saray totoo.

Exodo 18:8

Imbaga nen Moises ed kinen Jetro iray amin a ginagawa na Katawan ed ari tan saray Egipsio diad impangyagel tod saray Israelita. Imbaga to met no panoy impanirap na saray totoo ed dalan tan no panoy impangilaban na Katawan ed sikara.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Daniel 9:4

Nampikasi ak ed Katawan a Dios ko tan impatwak iray kasalanan na saray totook. Inkuanko, “Katawan a Dios, matalonggaring ka tan gagalangen mi ka. Matoor ka ed impisipanan mo tan ipapanengneng mo lawas so ag mangoman a panangarom ed saray mangaarod sika tan manusumpal na saray ganggan mo.

Daniel 9:6

Ag mi dinengel iray aripen mon propita a diad ngaran mo et nansasalita ra ed saray arari mi, saray manoley mi, saray lalaki mi tan say intiron bansa.

Daniel 9:8

Makapabaing so ginagawa na saray arari mi, saray manoley mi, tan saray lalaki mi; nankasalanan irad sika, O Katawan.

Levitico 26:18

“No ag yo ak ni onuren kayari to ya, mamimpitoy belat na iyarum kon dusa yo lapud saray kasalanan yo.

Levitico 26:21

“No siansia nin sumlangen yo ak tan ag yo ak ni onuren, mamimpito nin belat so iyarum ko lamet ed dusa yo lapud saray kasalanan yo.

Levitico 26:24

sumpaen ta kayo tan mamimpito nin belat so iyarum ko lamet ed dusa yo lapud saray kasalanan yo.

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Deuteronomio 7:12

“No dengelen yo ra yan ganggan tan matoor ya onuren yo ran amin, say Katawan a Dios yo et ituloy ton pansiansiaen so impisipanan tod sikayo tan iter tod sikayo so ag mangoman a panangaro, onung na insipan tod saray lalaki yo.

Deuteronomio 7:13

Aroen to kayo tan bindisionan to kayo, pian ondakel so bilang yo tan nawalaan kayoy amayamay ya anak; bindisionan toy kaalogan yo, pian nawalaan kayoy trigo, alak, tan larak na oliba; tan bindisionan to kayo diad pangiter tod sikayo na amayamay a baka tan karniro. Iter to ra yan amin a bindision ed sikayo diad dalin ya insipan tod saray lalaki yo ya iter ed sikayo.

Deuteronomio 7:21

Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.

Deuteronomio 7:9

Ag yo lilingwanan a say Katawan a Dios yo et bukor toy Dios tan sikatoy matoor. Tooren toy impisipanan to tan ag mangoman so panangaro tod saray nilibon kailalakan na saray mangarod sikato tan saray matoluk ed saray ganggan to,