Nehemias 9:30 - Maung A Balita Biblia

³⁰ Piga-pigay taon ya inanosan mo ran pinapasakbayan. Impansasalitam iray propitam, balet nantelek-telekan iray totoom, kanyan inyabuloy mon nadakep na saray arum a bansa.

Maung a Balita Biblia

³⁰ Piga-pigay taon ya inanosan mo ran pinapasakbayan. Impansasalitam iray propitam, balet nantelek-telekan iray totoom, kanyan inyabuloy mon nadakep na saray arum a bansa.

Nehemias 9:30 Iomraidhean Croise

2 Saray Arari 18:11

Say impirador na Asiria inawit tod Asiria iray Israelitan adakep, insan impanayam to ray arum ed siudad na Hala, saray arum diad Ilog na Habor ed distrito na Gozan, tan saray arum diad saray siudad na Media.

2 Saray Arari 21:10

Inkuan na Katawan ed panamegley na saray aripen ton propita,

2 Saray Awaran 24:19

Angibaki so Katawan na saray propita a mamasakbay ed sikara pian makapawil irad Katawan, balet ag da ra dinengel.

Esdras 9:10

“Balet natan, a Dios, antoy nibaga mi kayari na saray agawa? Ag mi tinoluk iray ganggan mo

Nehemias 9:20

Lapud kaabigan mo imbagam, so nepeg dan gawaen; initdan mo ray mana a kanen da, tan danum ya inomen da.

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Nehemias 9:29

Pinasakbayan mo ran onuren da ray ganggan mo balet lapud panagpasirayew da ag da ra inonur, anggaman a say pangonur ed Ganggan mo et pakagamuran na bilay. Diad kinaawet na olo ra tan inkabangar da, ag da labay so ontoluk.

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

Saray Salmo 95:10

Diad loob na apataploy taon, akapasnuk ak ed saraman a totoo, Inkuanko, ‘Aliwa ran matoor! Ag da labay ya onuren iray ganggan ko!’

Isaias 28:10

Labay to itayon ibangat diad panamegley na tonggal litra, tonggal linya, tan tonggal liksion.”

Isaias 42:24

Siopay angipalimad Israel ed saray managsamsam? Say dilin Katawan a nankasalananan tayo! Ag tayo nambilay onung ed linawa to odino inmonur ed saray bangat to.

Isaias 48:9

“Pian idayew na saray totoo so ngaran ko, popokpokan koy pasnuk ko, ag ko la idapo tan ag ta kayo la pateyen.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Jeremias 25:4

Ag kayo dinmengel odino angasikaso, anggaman ya intutuloy na Katawan so mangibaki na saray aripen ton propita.

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Jeremias 44:4

Ag ak tinmondan angibaki na saray aripen kon propita ya angibagad sikayon ag yo gagawaen yan makapangingungot a bengatlan kabkabosul ko.

Jeremias 44:5

Balet ag kayo ondengel odino mangasikaso. Ag yo tondaan iray maoges a panangibagat yod saray arum a diriyos.

Jeremias 7:25

Manlapud samay agew ya impaway ed Egipto na saray lalaki yo ya anggad natan, intutuloy koy angibakid sikayo na saray aripen kon propita.

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Daniel 9:6

Ag mi dinengel iray aripen mon propita a diad ngaran mo et nansasalita ra ed saray arari mi, saray manoley mi, saray lalaki mi tan say intiron bansa.

Zacarias 7:12

Pinaawet dan singa bato so kapusoan da. Mapalaloy impakapasnuk ko lapud ag ira dinmengel ed saray ganggan kon impaibangat kod saray propitan nambibilay nen saman a panaon.

Zacarias 7:13

Lapud ag ira dinmengel nen nansalita ak, ag ko ra inebatan nen nampikasi ra.

Saray Bilang 11:26

Saray duara ed saramay pitomplon pangulo, di Eldad tan Medad, et nanayam ira ed dalem na kampo tan ag ira linma ed kawalaan na samay Tulda. Dimad dalem na kampo dinmapod sikara so ispiritu, et ginapwan da met so inmeyag a singa saray propita.

Saray Gawgawa 13:18

tan inanosan to rad kalawakan ya apataploy taon.

Saray Gawgawa 28:25

Kanyan nen ag ira makapankakasakey tinmaynan la ra, kasumpal ya inkuanen Pablo, “Tuay imbaga na Ispiritu Santo ed saray lalaki yo diad panamegley nen propita Isaias!

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Saray Taga Roma 2:4

Babalawen mo kasiy baleg a panangasi, anos, tan tepel na Dios? Ag mo ta amtan say kaabigan na Dios et dagdagen to kan magbabawi?

1 Pedro 1:11

Sinali ran inanap no kapigan tan no panoy isabi to yan panaon. Say Ispiritu nen Cristo a walad sikara intoro to yan panaon, nen impasakbay to ray kairapan a liknaen nen Cristo tan say kagalangan ya ontombuk.

2 Pedro 1:21

Ta anggapon balut so propisiyan nanlapud linaway too, no ag ingen diad impanpulong na saray totoo na salitay Dios, say Ispiritu Santo so angiwanwan ed sikara.

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.