Nehemias 9:27 - Maung A Balita Biblia

²⁷ kanyan inyabuloy mon nadakep tan naoleyan ira na saray kalaban da. Nen wala rad segsegang kinmerew irad sika na tulong, et manlapud tawen dinengel mo ra. Lapud baleg a panangasim initdan mo ra na saray pangulo ya angyaagel ed sikarad saray kalaban da.

Maung a Balita Biblia

²⁷ kanyan inyabuloy mon nadakep tan naoleyan ira na saray kalaban da. Nen wala rad segsegang kinmerew irad sika na tulong, et manlapud tawen dinengel mo ra. Lapud baleg a panangasim initdan mo ra na saray pangulo ya angyaagel ed sikarad saray kalaban da.

Nehemias 9:27 Iomraidhean Croise

2 Saray Arari 13:5

Angibakiy Katawan na sakey a pangulo ed Israel a sikatoy angekal ed saray Israelita ed pakaoley na saray Siriano; kanyan nagmaliw a mareen so panagbilay da a singa nen saman.

2 Saray Arari 14:27

Balet aliwan getma na Katawan a deralen a sigput tan andi-anggaan so Israel, kanyan inyagel to ra diad panamegley nen Ari Jeroboam.

2 Saray Arari 17:20

Impolisay na Katawan iray amin ya Israelita tan impalima to rad saray maruksan kalaban, ya anggad apataynan to ran amin ed arap to.

2 Saray Arari 17:39

Nepeg a takotan yo ak, say Katawan a Dios yo, et iyagel ta kayod saray kalaban yo.”

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Nehemias 9:19

Balet ag mo ra inkaindan dimad kalawakan, lapud baleg so panangasim. Ag mo pinaandi imay lorem odino samay apoy ya angiwanwan ed sikara no labi tan no agew diad impankurang da.

Saray Salmo 136:24

inekal to itayod pakayari na saray kalaban tayo; andi-anggaan so panangaro to.

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Obadias 1:21

Saray analon lalakid Jerusalem, et dogpaan day Edom tan oleyan da. Say Katawan a dili so manari.”

Saray Huis 2:18

Kapag say Katawan et mangiter ed Israel na pangulo, say Katawan tulongan to yan pangulo tan iyagel to ray totoo to ed saray kalaban da legan a mabilay yan pangulo. Kinasian ira na Katawan lapud manngesnges irad kairapan da, ta pinapasegsegang da ra.