Nehemias 9:22 - Maung A Balita Biblia

²² “Inyabuloy mon nadakep da iray bansa tan saray nanarian, saray dalin ya akiketeg ed dalin da. Dinakep day dalin na Hesbon a nanarian nen Sehon tan say Basan a nanarian nen Og.

Maung a Balita Biblia

²² Inyabuloy mon nadakep da iray bansa tan saray nanarian, saray dalin ya akiketeg ed dalin da. Dinakep day dalin na Hesbon a nanarian nen Sehon, tan say Basan a nanarian nen Og.

Nehemias 9:22 Iomraidhean Croise

Saray Salmo 105:44

Inter tod sikaray dalin na saray taga arum a bansa tan impakayaryan tod sikara so kaalogan da,

Saray Salmo 78:65

Diad kaonuran, say Katawan binmangon a singa aliing ed ogip to; singa toon mabiskeg a maniingal lapud abuek.

Jeremias 27:5

“Siak, diad panamegley na pakayarik tan biskeg ko, pinalsak so mundo, saray totoo, tan amin ya ayayep a manaayam ed tapew na dalin; iiter ko ya ed siopaman a labay kon pangitdan.

Jeremias 32:23

Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Deuteronomio 1:4

Agawa ya sanen tinalo na Katawan si Sehon ya ari da ray Amorreo a nanoley ed baley na Hesbon, tan si Og ya ari na Basan a nanoley ed saray baley na Astarot tan Edrei.

Deuteronomio 32:26

Pinatey ko la ra komun ya amin, pian anggapo lay makanunot ed sikara.

Deuteronomio 4:47

Nilooban dan nanayaman so dalin to tan say dalin nen Og, say ari na Basan, tan sananey ya ari da ray Amorreo a nanayam ed bokig na Jordan.

Josue 10:11

Nen saray Amorreo et ibabatikan da ra may Israelitan sondalo, impepelag na Katawan ed sikara iray ankakabaleg ya oran a kristal ya anggad Azeka. Dakel niy apatey na oran a kristal nen say pinapatey da ray Israelita.

Josue 11:23

Adakep nen Josue so intiron dalin, onung na ingganggan na Katawan ed kinen Moises. Inter nen Josue so dalin ed saray Israelita; inaapag tod balang tribu. Tinmonda ray bakal kanyan nainawaan iray totood Israel.