Nehemias 9:16 - Maung A Balita Biblia

¹⁶ Balet nagmaliw a mapaatagey tan bangar iray lalaki mi tan ag da inonur iray ganggan mo.

Maung a Balita Biblia

¹⁶ Balet nagmaliw a mapaatagey tan bangar iray lalaki mi tan ag da inonur iray ganggan mo.

Nehemias 9:16 Iomraidhean Croise

2 Saray Arari 17:14

Balet ag ira tinmoluk; anawet so olo ra, a singa saray lalaki ran ag nanmatalek ed Katawan a Dios da.

2 Saray Awaran 29:6

Aliwan matoor ed Katawan a Dios tayo iray lalaki tayo, ta ginagawa ray aliwan makapaliket ed sikato. Inkaindan da tan imbeneg day pasen a panaayaman to.

2 Saray Awaran 30:8

Ag yo papaaweten so puso yon singa sikara, no ag ingen toluk kayod Katawan. Dago kayod Timplo ed Jerusalem a pinasanton andi anggaan na Katawan a Dios yo. Igalang yo pian ag to kayo la pampasnukan.

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

Nehemias 9:10

Nanggagawa ka na saray makapakelaw a milagro sumpad ari na Egipto, sumpad saray opisyal to tan saray totood nanarian to lapud amtam no panoy impamapairap dad saray totoom. Binmantug kad saman tan bantug ka ni ya anggad natan.

Nehemias 9:29

Pinasakbayan mo ran onuren da ray ganggan mo balet lapud panagpasirayew da ag da ra inonur, anggaman a say pangonur ed Ganggan mo et pakagamuran na bilay. Diad kinaawet na olo ra tan inkabangar da, ag da labay so ontoluk.

Saray Salmo 106:6

Nankakasalanan kami, a singa ginawa da ray lalaki mi; nanggagawa kamiy kaogsan tan kabaglan.

Saray Salmo 81:8

Sikayo ran totook, dengel yoy pamapasakbay ko; O Israel, agaylay pampipirawat kon ondengel kayod siak!

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Exodo 32:9

Amtak so inkaawet na olo da ra yan totoo.

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Isaias 48:18

“No komun ta dinmengel kayo ed saray ganggan ko, inmagos komun ed sikayo ray bindision a singa kolus ya ag balut naekatan. Sinmasabi komun ed sikayoy pananalo a singa saray daluyon ya onsisipwak ed gilig na dayat.

Isaias 48:4

Amtak ya anawet so olom, anaweawet a singa balatyang tan ag napiklon singa gansa.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Jeremias 19:15

a say Katawan a Makapanyarin-amin a Dios na Israel et inkuanto, “Iyakar ko lad sayan siudad tan diad amin a kaliber-liber to ran baley iray amin a dusan imbagak a gawaen ko, lapud anawet so puso yo tan ag kayo ondengel ed ibabagak.”

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Ezekiel 5:6

Balet sinumpa na Jerusalem iray ganggan ko tan impanengneng to a lalon maoges ni nen saray arum a bansa, lalon aliwan maonur nen saray bansan walad kaliber-liber to. Impolisay to ray ganggan ko tan ag to binirbir iray bilin ko.

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Deuteronomio 31:27

Amtak so ontan lan inkaawet na olo ra tan say inkasumlang da. Legan na impanbilay ko sinumlang day Katawan, tan lalo ni ingen so isumlang da no inatey ak la.

Deuteronomio 32:15

“Minmayaman iray totoo na Katawan, matataba ra ta sawasawaan day kakanen, balet mananumlang irad Katawan. Inkaindan day Dios ya amalsad sikara tan impolisay day makapanyarin manangilaban da.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Deuteronomio 9:13

“Say Katawan kuanto nid siak, ‘Amtak so awet na olo da ra yan totoo.

Deuteronomio 9:27

Nudnunot mo pa ray aripen mon di Abraham, Isaac, tan Jacob, tan palabas mo lay inkaawet na olo da ra yan totoo, say inkaoges da, tan say kasalanan da.

Deuteronomio 9:6

Andi-duaruwa sirin a say Katawan et iter tod sikayo man a mataban dalin aliwan lapud kanepegan yo. Andi, ta totoo kayon mananumlang.

Saray Hebreo 3:13

Ingen, mansisimbawaan kayon inagew-agew, legan a say walad Masanton Sulat a “Natan” et onkanad sikatayo, pian anggapod sikayoy onawet so olo to tan ibalang na kasalanan.

Saray Hebreo 3:15

Onyay kuay masanton sulat, “No narengel yo natay bosis na Dios, ag yo papaawetey olo yo, a singa saray lalaki yo nen nilabanan day Dios.”