Nehemias 9:12 - Maung A Balita Biblia

¹² Diad panamegley na lorem inwanwan mo ra no agew, tan no labi niliwawaan mo ra na apoy so dadalanen da.

Maung a Balita Biblia

¹² Diad panamegley na lorem inwanwan mo ra no agew, tan no labi niliwawaan mo ra na apoy so dadalanen da.

Nehemias 9:12 Iomraidhean Croise

Nehemias 9:19

Balet ag mo ra inkaindan dimad kalawakan, lapud baleg so panangasim. Ag mo pinaandi imay lorem odino samay apoy ya angiwanwan ed sikara no labi tan no agew diad impankurang da.

Saray Salmo 105:39

Tinarungan na Dios iray totoo to na lorem, tan initdan to ray apoy a nanliwawad sikara no labi.

Saray Salmo 107:7

Inwanwan to rad maptek a dalan a mamaarap ed sakey a siudad a napanayaman da.

Saray Salmo 143:8

Ipanunot mo pad siak kapag kabwasan so ag mangoman a panangarom, ta manmamatalek ak ed sika. Itorom pad siak so dalan a nepeg kon laen, ta mikakasi ak ed sika.

Saray Salmo 78:14

No agew inwanwan to ra diad panamegley na lorem, tan no labi diad panamegley na liwawa na apoy.

Exodo 15:13

Saray totoom ya inyagel mo et inwanwan mo ra lapud ag mangoman a panangarom; diad panamegley na biskeg mo inwanwan mo ran amaarap ya anggad masanton dalin mo.

Ezekiel 20:6

Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.

Saray Bilang 9:21

No maminsan samay lorem mansiansia labat manlapud labi ya anggad kabwasan, et onalis la ra no kaatagey na samay lorem. Kapag onatagey imay lorem, onalis ira.

Deuteronomio 1:33

anta lawas inonaan to kayo a mananap na pasen a pankampoan yo. Pian nanengneng yoy dalanen yo, nanayam ed onaan yo a sakey a lusek ya apoy no labi tan sakey a lusek a lorem no agew.