Nehemias 8:7 - Maung A Balita Biblia

⁷ Inmalagey iray totoo, tan saray onggendan a Levita so angipaliwawad sikara na Ganggan; Jesua, Bani, Serebias, Jamin, Acub, Sabetai, Hodias, Maasias, Kelita, Azarias, Josabad, Hanan, tan Pelaya.

Maung a Balita Biblia

⁷ Inmalagey iray totoo, tan saray onggendan a Levita so angipaliwawad sikara na Ganggan; Jesua, Bani, Serebias, Jamin, Acub, Sabetai, Hodias, Maasias, Kelita, Azarias, Josabad, Hanan, tan Pelaya.

Nehemias 8:7 Iomraidhean Croise

1 Saray Arari 8:14

Legan a manalalagey iray totood man, inarap ira nen Ari Solomon, tan kinerew ton bindisionan iray Dios.

2 Saray Awaran 30:22

Intanduro nen Ezekias ira may Levita lapud kamaungan dan angipangulo ed impangigalang ed Katawan. Kayariy pitoy agew na impangisasaklang day bagat a para kareenan tan say impangiiter day pisasalamat ed Katawan a Dios na saray lalaki ra,

2 Saray Awaran 35:3

Binilin to met iray Levita a bumabangat na Israel a nisaklang iran manlingkur ed Katawan. Inkuantod sikara, “Iyan yoy masanton Kaban na Sipanan ed Timplo ya impaalagey nen Ari Solomon a lakin anak nen David. Ag yo la natan saksakbaten ya iyalis-alis, no ag ta panlingkuran yoy Katawan a Dios yo tan saray totoo ton Israel.

Esdras 8:18

Lapud panangaro na Dios imbaki rad sikami si Serebias a marunong a laki tan sakey a Levitan kabyangay boleg nen Mahli; akilad sikatoy labinwalo ed saray lalakin anak tan agagi to.

Nehemias 10:2

Saray papari: Seraya, Azarias, Jeremias, Pasur, Amarias, Malkias, Hatus, Sebanias, Maluc, Harim, Meremot, Obadias, Daniel, Gineton, Baruc, Mesullam, Abias, Miamim, Maazias, Bilgai, tan Semaya.

Nehemias 11:16

Di Sabetai tan Josabad, saray matalonan Levita a makaoley ed kimey diad paway na Timplo.

Nehemias 11:19

Saray Guardia ed Timplo: Di Akub, Talmon tan saray kakanayon da; sanlasus, pitomplo tan dua ran amin.

Nehemias 12:33

Saray pangulo et tomtombuken ira na saray onggendan a papari a mamapaknul na trumpita: Azarias, Esdras, Mesullam, Juda, Benjamin, Semaya, tan Jeremias. Tomtombuken ira nen Zacarias a lakin anak nen Jonatan tan apo nen Semaya. (Saray arum a lalaki to et di Matanias, Micaya, tan Zacur a kabyangay boleg nen Asaf.)

Nehemias 3:17

Tinmulong ed impamaalagey lamet ed padir iray onggendan a Levita: Impaalagey nen Rehum a lakin anak nen Bani so onsoblay a soldung na padir; Impaalagey nen Hasabias a manoley na kapalduay distrito na Keila so onsoblay a soldung na padir diad ngaran na distrito to;

Nehemias 3:19

Impaalagey nen Ezer a lakin anak nen Jesua tan manoley ed Mizpa so onsoblay a soldung na padir a walad arap na panagsinupay armas, ya anggad pasen a nilikoay padir;

Nehemias 3:23

Impaalagey nen Benjamin tan si Hasub so onsoblay a soldung na padir a walad arap na kaabungan da; Impaalagey nen Azarias a lakin anak nen Maasias tan apo nen Ananias so onsoblay a soldung na padir a walad arap na abung to;

Nehemias 8:12

Kanyan sinmempet lad abung iray amin a totoo. Maliket iran nanaakan tan naniinom; iniitdan da ray kulang so paraan, lapud atalusan da ray imbasad sikara.

Nehemias 8:4

Si Esdras nanalagey ed tapew na intabladon tabla ya impaalagey makasengeg ed saman ya agawa. Nanalagey ed nikawanan to iray onggendan a totoo: Matitias, Sema, Anaya, Urias, Helcias, tan Maasias. Diad nikawigi to saraya so nanalagey: Pedaya, Misael, Malkias, Hasum, Hasbadana, Zacarias, tan Mesullam.

Nehemias 8:6

Inkuanen Esdras, “Nadayew komun so Katawan, say matalonggaring a Dios!” Amin a totoo inyatagey day lima ra tan kuanda, “Amen, Amen!” Insan ira dinmakmomon angigalang ya anggad dalin.

Nehemias 8:8

Impatalus dad salitan ikakana na saray totoo so Ganggan na Dios, insan da impaliwawa pian natalusan na saray totoo.

Nehemias 9:3

Diad loob na sakey a taloy oras nibasad sikara so Ganggan na Katawan a Dios da, tan diad ontombuk a taloran oras impapatwa ray kasalanan da tan inggagalang da so Katawan a Dios da.

Nehemias 9:4

Walay intabladon para saray Levita, tan dia ra nanalagey di Jesua, Bani, Cadmiel, Sebanias, Buni, Serebias, Bani, tan Kenani. Maksil so bosis dan nampikasi ed Katawan a Dios da.

Levitico 10:11

Nepeg yo met ya ibangat ed saray totood Israel iray amin a ganggan ya inter kod sikara diad panamegley nen Moises.”

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Deuteronomio 33:10

Ibangat da ray totoom a mangonur ed Ganggan mo; Mangisaklang ira na saray bagat ed altar mo.