Nehemias 8:10 - Maung A Balita Biblia

¹⁰ Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.”

Maung a Balita Biblia

¹⁰ Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.

Nehemias 8:10 Iomraidhean Croise

1 Saray Arari 8:66

Diad kumawalon agew, pinasempet la nen Solomon iray totoo. Inggalang na amin a totoo si Ari Solomon tan sinmempet iran maliket lapud amin a bindision ya inter na Katawan ed aripen ton David tan saray totoo ton Israelita.

1 Saray Awaran 16:27

Galang tan pakayari so walad kaliber-liber to; biskeg tan liket so walad dalem na Timplo to.

Nehemias 8:11

Nanliliber iray Levita, ta pinapareen da ray totoo. Imbabaga rad sikaran ag ira maneermen, ta masanto man ya agew.

Nehemias 8:12

Kanyan sinmempet lad abung iray amin a totoo. Maliket iran nanaakan tan naniinom; iniitdan da ray kulang so paraan, lapud atalusan da ray imbasad sikara.

Ester 9:19

Sikato yay makasengeg a saray Judion manaayam ed saray ankekelag a baley et maliket dan sisilibraan a pista so kumalabinapat ya agew na bulan na Adar, say agew a paniiteran day rigalo na kakanen.

Ester 9:22

Sarayan agew so impamaandi na saray Judio ed saray kalaban da tan sikato yay bulan a nagmaliw a panaon na liket tan gayaga so panaon na ermen tan inkaandiay ilalo. Nibagad sikara a diad sarayan agew mampoponsia, manliliket tan maniiteran ira na saray rigalon kakanen tan itdan da met iray mairap-bilay.

Saray Salmo 149:2

Israel, manggayaga ka lapud Manamalsam; totoo na Sion, manliket kayo lapud ari yo!

Saray Salmo 89:17

Iitdan mo kami na baleg a pananalo; panataloen mo kami lapud panangasim.

Probirbio 17:22

Say gayaga pansiasiansiaen toy abig na laman mo. Say ermen mankalkalnan mansumpal ed patey.

Ecclesiastes 11:2

Mangipoonan kad pigaran lugar—anggan diad amayamay a lugar—ta ag mo amta no antoy onsabin maoges ed sika diad sayan mundo.

Ecclesiastes 2:24

Say sankaabigan a gawaen na sakey a too et say pangan, iyinom, tan say panliket tod saray nansagputan to. Balet abirbir ko met ya anggan saya et nanlapud Dios.

Ecclesiastes 3:13

Amin tayo nepeg ya oninom tan mangan tan panliketan so nansagputan tayo, ta rigalo ra na Dios.

Ecclesiastes 5:18

Saya so arumogan ko: say sankaabigan a nagawaan na too et say pangan tan say iyinom to, tan say panliket to ed nansagputan to legan na antikey a pambilay ton inter ed sikato na Dios; sikato yay kapalaran na too.

Ecclesiastes 9:7

Sigi labat—akan moy kanen mo tan manliket ka; inom moy alak mo tan manggayaga ka. Aabubonan na Dios so gawaen mo.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Isaias 49:5

Kasakbayan na inkianak ko, tinoro ak la na Katawan; ginawa to ak ya aripen to a mamapawil ed saray totoo to, a mamapawil ed saray ataytayak a totood Israel. Say Katawan iitdan to ak na kagalangan; sikatoy panlalapwan na biskeg ko.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Joel 2:23

“Manliket kayo, sikayon totood Sion, manliket kayod saray ginagawad sikayo na Katawan a Dios yo. Initdan to kayo na nagnap ya oran ed tiagew, impelag toy oran a para sikayo no panaoy ambetel tan pinaoran ton singa gendat no nepnep.

Zacarias 14:21

Amin a bangan lotowan ed Jerusalem tan diad intiron Juda et nibiig ira ya ikana ed pangigalang ed Katawan a Makapanyarin-amin. Ikana na saray totoon mangibagat a panlambungan na karni na saray ibagat. No onsabiy tan a panaon anggapo la ray mannigosio ed dalem na Timplo na Katawan a Makapanyarin-amin.

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

2 CORINTO 8:2

Asubok ira na baleg a kairapan, balet malikeliket ni ra, kanyan mabolbolus iran mangiter anggaman ya ontan lay irap na panagbilay da.

FILIPOS 3:4

Say katwaan to, nayarian koy manmatalek ed saray totontonen a nanengneng. No walay mannununot a nayarian toy manmatalek ed saray totontonen a nanengneng, baleg ingen so pankanepegan ko nen say sikato.

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.

1 Samuel 25:8

Tepet mo labat ed sikara et ibaga rad sika. Linma kami dia ed agew na pista; maung komuy pangawat mod sikami. Iter mo pa komun so nayarian mon iter ed sikami ya aripen mo, tan diad kinen David a kaarom.”