Nehemias 7:5 - Maung A Balita Biblia

⁵ Pinuyanan ak na Dios a pantitiponen ko ray totoo tan saray pangulo tan saray opisyal da, tan nengnengen koy listaan na saray pamilya ra. Inanap koy listaaan da ray totoon akaonan pinmawil a nanlapud arum a bansan nibantakan da, et sikato yay nalmok.

Maung a Balita Biblia

⁵ Pinuyanan ak na Dios a pantitiponen ko ray totoo tan saray pangulo tan saray opisyal da, tan nengnengen koy listaan na saray pamilya ra. Inanap koy listaaan da ray totoon akaonan pinmawil a nanlapud arum a bansan nibantakan da, et sikato yay nalmok.

Nehemias 7:5 Iomraidhean Croise

Esdras 7:27

Inkuanen Esdras, “Nadayew so Katawan a Dios na saray lalaki tayo! Ginawa ton maabuloy so impirador a pagalangan to na onya so Timplo na Katawan ed Jerusalem.

Nehemias 5:19

O Dios, ag mo pa lilingwanan a tumangan lapud amin a bengatlan ginagawak para sarayan totoo.

Nehemias 6:14

Nampikasi ak, “O Dios, nudnunot mo pa yan ginawad siak di Tobias tan Sanbalat, tan dusam ira. Nudnunot mo pa met imay biin propita a si Noadias tan saramay arum a propitan nantataktakot ed siak.”

Nehemias 7:4

Maawang so siudad na Jerusalem, balet daiset iray totoon manaayam diman, tan pigpigara ni ray nipaalagey a kaabungan.

Probirbio 2:6

Say Katawan so mangiiter na kakabatan; manlalapud sikato so pakaamta tan pakatalus.

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

1 CORINTO 15:10

Balet lapud baleg a panangaroy Dios, nagmaliw ak ya apostol, tan ag met naandiay kakanaan so baleg a panangaro ya inter tod siak. Mairap niy impankimey ko nen say siopaman ed sikara, anggaman ya aliwan lapud biskeg kon dili, no ag lapud baleg a panangaro na Dios ed siak.

2 CORINTO 3:5

No diad sikamin dili labat, ag mi nipasen a nagnap so pakayari mid sayan gawa; manlalapud Dios so antokaman a pakayari mi.

2 CORINTO 8:16

Ontan lay pisasalamat mid Dios, ta ginawa toy Tito a maseeseet ya ontulong ed sikayo a singa kinaseet mi!

COLOSAS 1:29

Pian nagawa ya, mankikimey tan mansasagput ak a maung, onung na pankikimey ed siak na mabiskeg a pakayari nen Cristo.

Santiago 1:16

Ag kayo patitilaan, inararok iran agagi!