Nehemias 7:4 - Maung A Balita Biblia

⁴ Maawang so siudad na Jerusalem, balet daiset iray totoon manaayam diman, tan pigpigara ni ray nipaalagey a kaabungan.

Maung a Balita Biblia

⁴ Maawang so siudad na Jerusalem, balet daiset iray totoon manaayam diman, tan pigpigara ni ray nipaalagey a kaabungan.

Nehemias 7:4 Iomraidhean Croise

Nehemias 11:1

Nanayam ed Jerusalem iray pangulo, nampapalaranan balet iray arum a totoo no dinan a pamilya ed kapag samplora so manayam ed masanton siudad na Jerusalem. Saray arum a pamilya et nepeg a manayam la rad saray arum a siudad tan saray arum a baley.

Nehemias 11:2

Indayew na amin a totoo so siopaman nin maabuloy a manayam ed Jerusalem.

Nehemias 7:3

Imbagak ed sikara ya ag da lolokasan iray puirta na Jerusalem no ag ni abayag so imbutay so agew, tan ikaput tan balewetan da ra no wadman ni ray guardia, kasakbayan dan onsiput no onseselek lay agew. Imbagak met ed sikara a monoro ray guardia manlapud saray totoon manaayam ed Jerusalem, tan ipasen da ray arum a mangguardia ed nigana ran pasen, tan saray arum diad kaliber-liber na dilin kaabungan da.

Nehemias 7:5

Pinuyanan ak na Dios a pantitiponen ko ray totoo tan saray pangulo tan saray opisyal da, tan nengnengen koy listaan na saray pamilya ra. Inanap koy listaaan da ray totoon akaonan pinmawil a nanlapud arum a bansan nibantakan da, et sikato yay nalmok.

Isaias 58:12

Pasimbaloen ya ipaalagey na saray totoo yo iray abayag lan aderal-deral ya ayaman yo, ipaalagey da ra lamet ed saray daan a pundasion. Natawag kayo a totoon angipaalagey lamet ed saray ageba tan saray aderal-deral ya abung.”

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.