Nehemias 7:2 - Maung A Balita Biblia

² Insan ko impasen a manoley ed siudad na Jerusalem so duaran lalaki a di Hanani ya agik tan Hananias a pangulon opisyal na tirinsira. Anggapoy mipara ed kinen Hananias ed inkatoor to tan say inkatakot tod Dios.

Maung a Balita Biblia

² Insan ko impasen a manoley ed siudad na Jerusalem so duaran lalaki a di Hanani ya agik tan Hananias a pangulon opisyal na tirinsira. Anggapoy mipara ed kinen Hananias ed inkatoor to tan say inkatakot tod Dios.

Nehemias 7:2 Iomraidhean Croise

Genesis 42:18

Diad kumatlon agew, inkuanen Jose ed sikara, “Sakey ak a toon walay takot tod Dios, kanyan ag ta kayo papatey no gawaen yoy ibagak.

2 Samuel 23:3

Nansalita so Dios na Israel; inkuan ed siak na manangyagel na Israel: “Say arin maptek so panooley to, tan manooley a walay takot ed Dios,

1 Saray Arari 18:12

Antoy amtak no kataynan ko dia et awiten ka na ispiritu na Katawan ed pasen ya anggapoy mikabat? Insan mo ibagak ed kinen Acab a wadya ka tan ag to ka narumog, pateyen to ak. Nepeg mon nunoten a gagalangen koy Katawan nanlapu lad impanogaw ko.

1 Saray Arari 18:3

kanyan tinawag nen Acab si Obadias a makaoley ed palasio. (Masimoon so panamagalang nen Obadias ed Katawan,

Nehemias 1:2

Si Hanani a sakey ed saray agagik a lalaki et sinmabi a kaiba to ray pigaran lalaki a nanlapud Juda. Tinepetan ko ra na nipaakar ed saray Judion pinmawil manlapud nibantakan dan Babilonia tan say nipaakar ed Jerusalem.

Nehemias 13:13

Impasen kon makaoley ed saray kuarton panagsinupan iray onggendan a lalaki: Semaya a pari: Sadoc ya iskriba; tan Pedaya a Levita. Si Hanan a lakin anak nen Zacur tan apo nen Matanias so katulong dad kimey. Walay panagmatalek kod sikaran ibunog dan anggapoy saol ed saray kapara ran kumikimey iray abasto.

Nehemias 2:8

Akikerew ak met na sulat a para si Asaf, say manaasikasod saray takel na ari. Imbaga na sulat ya itdan ak nen Asaf na saray troso ya ikanad saray puirta na tirinsiran mangguardiad Timplo, para saray padir na siudad, tan para abung a panayaman ko. Inter ed siak na impirador iray amin a kerew ko, lapud kaibak so Dios.

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagew-agew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

Nehemias 7:3

Imbagak ed sikara ya ag da lolokasan iray puirta na Jerusalem no ag ni abayag so imbutay so agew, tan ikaput tan balewetan da ra no wadman ni ray guardia, kasakbayan dan onsiput no onseselek lay agew. Imbagak met ed sikara a monoro ray guardia manlapud saray totoon manaayam ed Jerusalem, tan ipasen da ray arum a mangguardia ed nigana ran pasen, tan saray arum diad kaliber-liber na dilin kaabungan da.

Say Libro nen Job 1:1

Walay sakey a lakin manngaray Job a manaayam ed dalin na Uz. Anggapoy pakabalawan ed sayan too, matonung, walay takot to ed Dios, tan aarawian toy kaogsan.

Saray Salmo 101:6

Manliket ak ed saray matoor ed Dios tan panayamen ko rad palasiok. Naabuloyan a manlingkur ed siak iray nagnap a napanmatalkan.

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

Daniel 6:4

Lapud saya saramay duaran mangaasikaso ed saray opisyal tan saramay gobirnador et nananap iray kasalanan nen Daniel a nipaakar ed panangikurang tod impirio pian nidalem da, balet anggapoy narumog da, lapud matoor si Daniel ed kimey to tan ag to manggagaway antokaman a makapoy odino kasaolan.

Saray Bilang 12:7

Doma balet no misalita ak ed aripen kon Moises; impasen ko a makaoley ed amin a totook ya Israelita.

Mateo 24:45

“Siopa sirin so napanmatalkan tan marunong ya aripen? Say aripen ya ipasen na amo to a sikatoy pangulo da ray kapara ton aripen tan mangiter na kanen da diad manepeg ya oras.

Mateo 25:21

Inkuanto may amo, ‘Maabig so ginawam, maung tan matoor ya aripen! Lapud napampiaan kad melag a kantidad, ipiak ed sikay baleg a kantidad. Gala, ta miliket kad amom!’

1 CORINTO 4:2

Nakaukolan a matoor ed amo to so toon managasikaso.

2 Timoteo 2:2

Saray salitan nadngel mod siak diad arap na amayamay a tasi so ibangat mod saray totoon napanmatalkan tan nayarian day mangibangat met ed arum.