Nehemias 7:1 - Maung A Balita Biblia

¹ Apasimbalo lan nipaalagey so padir, nilira la ray puirta, tan niiter lay kimey da ray guardiay Timplo, saray kumakantad Timplo, tan saray arum a Levita.

Maung a Balita Biblia

¹ Apasimbalo lan nipaalagey so padir, nilira la ray puirta, tan niiter lay kimey da ray guardiay Timplo, saray kumakantad Timplo, tan saray arum a Levita.

Nehemias 7:1 Iomraidhean Croise

2 Saray Arari 7:10

Kanyan tinaynan day kampo da ray Siriano, linma rad siudad, insan tinawag da ray guardia na saray puirta tan kuandad sikara: “Linma kamid kampo da ray Siriano, et anggapoy toon anengneng o alikas min wadman; ag naokbaran iray kabayo tan saray asno, tan singa kipapasen dan gendat iray tulda.”

2 Saray Awaran 31:2

Pinasimbalo nen Ari Ezekias so togyup da ray papari tan saray Levita. Diad sayan togyup da niiter ed balang sakey so kanepegan ton kimeyan. Saraya so kimey da: say pangisaklang na bagat a popoolan tan say bagat a para kareenan, say pibiang ed panangigalang ed Dios diad Timplo, tan say pangiter na dayew tan pisasalamat diad nandoroman pasen na Timplo.

Esdras 3:8

Kanyan diad kumadwan bulan ed kumadwan taon manlapud samay insabi rad kawalaan na Timplo na Katawan diad Jerusalem, inggapo ray kimey. Nantutulongan a nankimey ira di Zorobabel, Josue, saray amin a kakanayon da, saray papari, tan saray Levita. Diad tuay tua tinmulong ya amin iray Israelitan pinmawil ed Jerusalem. Nipasen a makaoley ed amin a kimey ed Timplo iray amin a Levitan mantaon na duamplo a mampaatagey.

Nehemias 10:39

Saray totood Israel tan saray Levita et iyakar dad saray kuarton panagsinupan a kawalaan na saray kagawaan na Timplo iray iniiter a trigo, alak, tan larak na oliba. Diay panaayaman na saray paparin liber day mankimey ed Timplo, saray guardiad Timplo, tan saray tumutogtog tan saray kumakanta ed Timplo. Ag mi paolyan so abung na Dios mi.

Nehemias 11:3

Diad saray arum a siudad tan baley saray totood Israel, saray papari, saray Levita, saray kumikimey ed Timplo, tan saray kabyangay boleg da ray aripen nen Solomon et nanayam irad dilin dalin da diad saray dilin baley da. Say onggendan et say listaan na saray manonan totood luyag na Juda a manaayam irad Jerusalem.

Nehemias 12:24

Diad panangipangulo di Hasabias, Serebias, Jesua, Binui, tan Cadmiel naapag-apag ed pigaran grupo iray Levita. Duaran grupo so manebatan a mangidayew ed Dios tan misalamat ed Dios onung na saray bilin nen Ari David a too na Dios.

Nehemias 6:1

Nadngelan di Sanbalat, Tobias, Gesem ya Arabe, tan saray arum nin kalaban mi ya asumpal mi lan nipaalagey so padir tan apansasaip lan amin iray nagnagba, anggaman ya ag mi ni nilira iray puirta.

Nehemias 6:15

Kayariy impankimey a limamplo tan duay agew, asumpal so impamaalagey lamet ed padir nen kumaduamplo tan liman agew na bulan na Elul.

Nehemias 6:19

Saray totoo sasalitaen dad arap ko iray amin a maabig a gawgawa nen Tobias, tan sasalitaen dad sikato ray amin ya imbabagak. Ag tinmondan nansulat a pamatakot tod siak.