Nehemias 5:7 - Maung A Balita Biblia

⁷ Ginetmak so manggaway polaing a pamatondad sayan kagagawa. Tinetel ko ray pangulo tan saray opisyal na baley. Inkuankod sikara, “Papairapen yo ray agagi yo!” Imbagak a mantitipon iray totoon pian naasikasoy riklamo ra.

Maung a Balita Biblia

⁷ Ginetmak so manggaway polaing a pamatondad sayan kagagawa. Tinetel ko ray pangulo tan saray opisyal na baley. Inkuankod sikara, Papairapen yo ray agagi yo! Imbagak a mantitipon iray totoon pian naasikasoy riklamo ra.

Nehemias 5:7 Iomraidhean Croise

Saray Salmo 109:11

Saray akautangan to et alaen da komun ya amin iray kayaryan to, tan saray sangkaili et alaen dan amiy nanlingetan to.

Saray Salmo 15:1

Katawan, siopay nayarin onloob ed Timplom? Siopay nayarin mangigalang ed sika diad Sion, say masanton palandey mo?

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Saray Salmo 27:8

Nen kuanmo, “Dago kayod siak,” inmebat ak, “Ondago ak ed sika, Katawan.”

Saray Salmo 4:4

Giwgiw kayon sitatakot tan tondaan yo lay mankasalanan; motektek yo yan maung no mandokdokul kayon mareen ed saray katri yo.

Saray Salmo 94:16

Siopay angitalindeg ed siak ed saray totoon maoges? Siopay angibad siak diad insumlang kod saray managgaway kaogsan?

Exodo 22:24

tan mampasnuk ak tan pateyen ta kayo ed bakal. Nabalo ray kaasawaan yo tan naolila ed ama iray anak yo.

Exodo 22:25

“No mampabayes kayo na kuarta ed siopaman a took a mairap so bilay to, ag yo ipapasey sikayon dili a managpaabang tan ag yo pangaabangen.

Probirbio 27:5

Magmaung nin peteken mo so kaparam a too ed arap na totoo, nen say palpaolyan mo ya abaloan ton ag mo inaro.

Probirbio 28:4

No ag mo onuren so ganggan migagampi kad saray totoon maoges, balet no onuren mo kalaban mo ra.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Ezekiel 45:9

Say Katawan a Dios kuanto, “Abayag lay pankakasalanan yo, sikayon manoley na Israel! Tondaan yo lay inkaruksa tan say panagpairap yo. Say kaptekan tan katonungan la so gawaen yo. Ag yo la nepeg a pataynanen lamet iray totoo ed dalin da. Siak a Katawan a Dios so mangibabaga yad sikayo.

Levitico 19:15

“Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Levitico 25:36

Ag yo pangaabangen; ingen toluk yoy Dios tan abuloyan yon manayam ed abay yo so kapara yon Israelita.

Mateo 18:17

No ag to ni ra dengelen, idalem mo lad iglisia. No ag to ni dengeley pati iglisia, ipasen mon sakey a Hintil o sakey a sumisingil na buis.”

2 CORINTO 5:16

Kanyan natan, say pangamta miy siopaman et aliwa lan onung ed panagsintinsiay too. Nen inmona, onyay impangamta mid Cristo, balet aliwa lan onya natan.

TAGA GALACIA 2:11

Nen walad Antiokia si Pedro, sinumlang kod lupa-lupaan ta malinew ya aliway ginawa to.

1 Timoteo 5:20

Pampasnukan mod arap na totoo so toon nankasalanan, pian ontakot iray arum.

Tito 2:15

Ibangat mo ra ya, tan ikanam so intiron pakaoley mo no manimbawa tan mamasnuk ka. Ag mo aabuloyan a lemlemewan kay siopaman.