Nehemias 5:11 - Maung A Balita Biblia

¹¹ Ipawil yo natan ed sikara iray kaalogan da, saray kaubasan da, saray kaolibaan da, tan saray kaabungan da. Lingwanan yo la ray utang dad sikayon kuarta, odino trigo, odino alak, odino larak na oliba!”

Maung a Balita Biblia

¹¹ Ipawil yo natan ed sikara iray kaalogan da, saray kaubasan da, saray kaolibaan da, tan saray kaabungan da. Lingwanan yo la ray utang dad sikayon kuarta, odino trigo, odino alak, odino larak na oliba!

Nehemias 5:11 Iomraidhean Croise

2 Samuel 12:6

Nepeg ton bayaran na mamipat a karakel so inala to, lapud sayan andi-panangasin ginawa to.”

Nehemias 5:10

Siak, saray kakaibak, tan saray katulong ko et pinautang mi ray totoo na kuarta tan trigo. Ag ti la ra pambabayaren ed saray utang da.

Nehemias 5:12

Inmebat iray pangulo, “Sumpalen mi ray ibabagam. Ipawil mi lad sikaray kayaryan da tan ag mi la singilen iray utang dad sikami.” Tinawag ko ray papari tan diad arap da impansambak iray pangulo a tooren day sipan da.

Isaias 58:6

“Say labay kon panagayuno saya: Okbar yoy golunggolung na panamairap tan ekal yoy pako na panagpikewet yo ed inkatonung, tan ibolus yo ray napapairap.

Lucas 3:8

Ipanengneng yod panagbilay yo sirin a binenegan yo la ray kasalanan yo. Tan ag yo ibagbagad sikayon dili, ‘Anak kami nen Abraham.’ Kuankod sikayo a nayarian na Dios a pagmaliwen ya anak nen Abraham ira yan bato.

Deuteronomio 6:11

Saray kaabungan et napano ra na maabig iran bengatla ya ag yo ra inkarga, tan wala ray bobun ya ag yo ra kinotkot, tan wala ray kaubasan tan kaolibaan ya ag yo ra intanem. No say Katawan et niyakar to ka yod sayan dalin tan walay amin a labay yon kanen,

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”