Nehemias 4:3 - Maung A Balita Biblia

³ Manalalagey ed diking to si Tobias ya Ammonita, tan kuanton inyarum, “Anto kasin padir so nayarian dan ipaalagey? Anggan asod katakelan labat angangko nayarian ton igeba!”

Maung a Balita Biblia

³ Manalalagey ed diking to si Tobias ya Ammonita, tan kuanton inyarum, Anto kasin padir so nayarian dan ipaalagey? Anggan asod katakelan labat angangko nayarian ton igeba!

Nehemias 4:3 Iomraidhean Croise

1 Saray Arari 20:10

nen Ben-hadad: “Looban ta kad tan a kaibak iray amayamay a sondalon maneral na siudad mo. Diad karakel da sarasarag dan akupen iray deral-deral. Pateyen ak komun na saray diriyos no ag ko ya gawaen!”

1 Saray Arari 20:18

Ingganggan nen Ben-hadad, “Ala yo ran mabilay, onla ra dia man a milaban odino mikaaro.”

2 Saray Arari 18:23

On, sigi, diad ngaran na impirador palugaran ta kayo. Itdan ta kayoy duan libon kabayo no makalmo kayoy lalakin onkabayod sikara!

Nehemias 2:10

Balet agunigon a maung ira si Sanbalat a taga baley na Bet-horon, tan si Tobias ya opisyal na saray Ammonita, nen nadngelan da a walay toon sinmabi a manggaway pankaabigan da ray totood Israel.

Nehemias 2:19

Balet nen nadngelan di Sanbalat, Tobias, tan Gesem ya Arabe so plano min gawaen, inelekelekan tan niluludlurey da kami. Inkuanda, “Anto tay gagawaen yo? Labanan yo la sirin so impirador?”

Nehemias 6:1

Nadngelan di Sanbalat, Tobias, Gesem ya Arabe, tan saray arum nin kalaban mi ya asumpal mi lan nipaalagey so padir tan apansasaip lan amin iray nagnagba, anggaman ya ag mi ni nilira iray puirta.

Saray Tagleey 5:18

lapud anggapo lay onkitakitaw a too ed Palandey na Sion, tan saray asod katakelan so akar-akar lad saray deral-deral to.

Deuteronomio 23:3

“Ag nayarin mikasakey ed saray totoo na Katawan so siopaman ya Ammonita odino Moabita odino siopaman a kabyangan na boleg da ya anggad kumaplon kailalakan.