Nehemias 4:2 - Maung A Balita Biblia

² Diad arap na saray kakaiba to tan saray sondalo na Samaria inkuanto, “Antoy linmad olo na saray pangaskasiyan a Judio? Labay dan ipaalagey lamet so siudad? Abaloan da kasi a diad pangibagat da nasumpal da so kimey ed sanagew? Nayarian da kasin gawaen a bato ira may bunton na atemek-temek tan apool-poolan a bengatla?”

Maung a Balita Biblia

² Diad arap na saray kakaiba to tan saray sondalo na Samaria inkuanto, Antoy linmad olo na saray pangaskasiyan a Judio? Labay dan ipaalagey lamet so siudad? Abaloan da kasi a diad pangibagat da nasumpal da so kimey ed sanagew? Nayarian da kasin gawaen a bato ira may bunton na atemek-temek tan apool-poolan a bengatla?

Nehemias 4:2 Iomraidhean Croise

Esdras 4:4

Insan saray arum a totoon manaayam lad saman a dalin et pinabetel day linawa na saray Judio tan tinaktakot da ra, pian ag da la ituloy ya ipaalagey so Timplo.

Nehemias 12:27

Nen nisaklang ed Dios so padir na siudad na Jerusalem, atawag a mantitipon ed Jerusalem iray Levitan manaayam ed inerman a pasen. Agaway onya pian makapibiang irad pista na panangisaklang tan diad pankanta na pisasalamat tan pantogtog na saray piangpiang tan saray arpa.

Nehemias 12:43

Amayamay a bagat so insasaklang dad saman ya agew, tan mapalaloy gayaga na saray totoo lapud ontan lay impamaliket na Dios ed sikara. Akipista met iray bibii tan saray ogogaw. Narengel ed arawdawi so kasil na bosis dan amin.

Nehemias 4:10

Kinakanta na saray taga Juda yan kanta: “Onkakapoy kamid pansasakbat na ambelat; Dakerakel a maung iray deral-deral ya ekalen. Panon min ipaalagey natan so padir?”

Nehemias 6:15

Kayariy impankimey a limamplo tan duay agew, asumpal so impamaalagey lamet ed padir nen kumaduamplo tan liman agew na bulan na Elul.

Saray Salmo 83:4

Kuanda, “Gali dia, deralen tayoy bansa ra, pian nalingwanan lan andi-anggaan so Israel.”

Jeremias 26:18

“Nen ari ed Juda si Ezekias, si propita Mikias a taga Moreset imbaga tod amin a totoo a say Katawan a Makapanyarin-amin inkuanto, ‘Nabakan singa alog so Sion; magmaliw a bunton na deral-deral so Jerusalem, tan magmaliw a takel so palandey a panalalageyan na Timplo.’

Jeremias 33:24

“Naimanom so pangibabaga da ray totoo ya impolisay koy Israel tan say Juda, saray duaran pinilik a pamilya? Kanyan balbalawen da ray totook tan ag da la ra ipapasen a sakey a bansa.

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Habacuc 3:2

O Katawan, nadngelan ko so ginagawam, et mapalaloy pankelaw ko. Diad sayan panaon mi gawam pa natan ira may makapakelaw a ginagawam nen saman. Mangasi ka pa, anggan mamapasnuk ka.

Zacarias 12:8

Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

1 CORINTO 1:27

Balet pinili na Dios so ipapasen ya andi-kakanaan na sankamundoan, pian napabaingan to ray makabat a totoo, tan pinili to so ipapasen a makapoy na sankamundoan, pian napabaingan to ray mabiskeg.