Nehemias 4:10 - Maung A Balita Biblia

¹⁰ Kinakanta na saray taga Juda yan kanta: “Onkakapoy kamid pansasakbat na ambelat; Dakerakel a maung iray deral-deral ya ekalen. Panon min ipaalagey natan so padir?”

Maung a Balita Biblia

¹⁰ Kinakanta na saray taga Juda yan kanta: Onkakapoy kamid pansasakbat na ambelat; Dakerakel a maung iray deral-deral ya ekalen. Panon min ipaalagey natan so padir?

Nehemias 4:10 Iomraidhean Croise

2 Saray Awaran 2:18

Impasen nen Solomon ed sikara iray pitomplom libo a manolur na nakaukolan, tan walomplon libo so impasen ton mantabas na bato ed kapalandeyan. Talon libo tan anem a lasus so impasen ton mangasikaso ed kimey.

2 Saray Awaran 34:13

Saray arum a Levita et sikaray angipangulo ed panagsakbat na saray ikakana tan sikaray kapatas ed saray totoon walad nandoroman kimey. Sikritario odino guardia na Timplo iray arum a Levita.

Nehemias 4:11

Abaloan na saray kalaban mi ya ag mi ra nanengneng odino ag mi naamtaan so nagagawa, anggad akasabi la ran mamapatey ed sikami tan mamapatondad kimey mi.

Nehemias 4:2

Diad arap na saray kakaiba to tan saray sondalo na Samaria inkuanto, “Antoy linmad olo na saray pangaskasiyan a Judio? Labay dan ipaalagey lamet so siudad? Abaloan da kasi a diad pangibagat da nasumpal da so kimey ed sanagew? Nayarian da kasin gawaen a bato ira may bunton na atemek-temek tan apool-poolan a bengatla?”

Nehemias 4:9

Balet nampikasi kamid Dios mi tan labi agew a wala ray mambabantay a milaban ed sikara.

Ezekiel 29:18

Inkuanto, “Sika a toon ompatey, si Ari Nabucodonosor na Babilonia et dinogpaan toy Tiro. Impanagto to ray sondalo to na ambebelat, kanyan ayangyangan ira tan diad impansakbat da naobakan so takeb da, balet anggapo lamlamang so agunggona na ari tan saramay sondalo to ed saraman ya impansasagput da.

Aggeo 1:2

Say Katawan a Makapanyarin-amin inkuantod kinen Aggeo, “Ibabaga na sarayan totoo ya aliwan sikato ya niy manepeg a panaon a pamaalagey lamet ed Timplo.”

Saray Bilang 13:31

Balet saramay linman kaiba nen Caleb kuanda, “Andi, ag tayo ra man nasarag a totoo; mabiskeg ni ra nen say sikatayo.”

Saray Bilang 32:9

Linma ra ya anggad Patar na Escol tan anengneng da so dalin, balet nen pinmawil ira, pinabetel day linawa da ray totoo ya onloob ed dalin ya inter ed sikara na Katawan.