Nehemias 4:1 - Maung A Balita Biblia

¹ Nen nadngelan nen Sanbalat a papasimbaloen ya ipaalagey na saray Judio so padir, mapalaloy petang na olo to tan niluludlurey to kami.

Maung a Balita Biblia

¹ Nen nadngelan nen Sanbalat a papasimbaloen ya ipaalagey na saray Judio so padir, mapalaloy petang na olo to tan niluludlurey to kami.

Nehemias 4:1 Iomraidhean Croise

Nehemias 13:28

Si Joiada a lakin anak nen Eliasib so Pangulon Pari. Balet inasawa na sakey ed saray lalakin anak to so anak nen Sanbalat a taga baley na Bet-horon, kanyan pinataynan kod Jerusalem si Joiada.

Nehemias 2:10

Balet agunigon a maung ira si Sanbalat a taga baley na Bet-horon, tan si Tobias ya opisyal na saray Ammonita, nen nadngelan da a walay toon sinmabi a manggaway pankaabigan da ray totood Israel.

Nehemias 2:19

Balet nen nadngelan di Sanbalat, Tobias, tan Gesem ya Arabe so plano min gawaen, inelekelekan tan niluludlurey da kami. Inkuanda, “Anto tay gagawaen yo? Labanan yo la sirin so impirador?”

Nehemias 6:15

Kayariy impankimey a limamplo tan duay agew, asumpal so impamaalagey lamet ed padir nen kumaduamplo tan liman agew na bulan na Elul.

Nehemias 6:16

Nen nadngelan ya na saray kalaban mi ed kaliber-liber iran bansa, abirbir dan abaingan irad saray totoo, lapud amta na balang sakey ya asumpal so kimey lapud tulong na Dios.

Jeremias 38:19

Balet inmebat si Ari Sedekias, “Antakot ak ed saray Judion akigampid saray taga Babilonia. Ompan siak so nipalimad sikara et pairapen da ak.”

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

Mateo 27:29

Nanliken iray sanga-sangan masabit tan ginawa ran singa korona, insan da inyan ed olo to. Impabemben dad kawanan a lima toy sakey a bislak. Nantatalimukor irad arap to tan niludlurey da. Inkuanda, “Andokey komun so bilay na Ari da ray Judio!”

Saray Gawgawa 5:17

Say Pangulon Pari tan saray kakaiba to a kabyangan iray Saduseo agaylay pangimon dad saray apostol, kanyan nantotongtong ira no antoy gawaen da.

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.