Nehemias 3:4 - Maung A Balita Biblia

⁴ Impaalagey nen Meremot a lakin anak nen Urias tan apo nen Haccoz so onsoblay a soldung na padir. Impaalagey nen Mesullam a lakin anak nen Berekias tan apo nen Mesezabel so onsoblay a soldung na padir. Impaalagey nen Sadoc a lakin anak nen Baana so onsoblay a soldung na padir.

Maung a Balita Biblia

⁴ Impaalagey nen Meremot a lakin anak nen Urias tan apo nen Haccoz so onsoblay a soldung na padir. Impaalagey nen Mesullam a lakin anak nen Berekias tan apo nen Mesezabel so onsoblay a soldung na padir. Impaalagey nen Sadoc a lakin anak nen Baana so onsoblay a soldung na padir.

Nehemias 3:4 Iomraidhean Croise

Esdras 2:61

Saray onggendan a boleg na papari et ag ira makarumog na listaan a mamaneknek na sengeg na pamilya ra: Habaias, Haccoz, tan Barzillai. (Say laki na saray paparin kabyangay boleg nen Barzillai et angasawa na sakey a biin kabyangay boleg nen Barzillai a taga Galaad tan inala toy ngaran na boleg na katolangan to.) Ag ira naawat a papari, lapud ag da napaneknekan no siopa ray lalaki ra.

Esdras 8:33

Insan diad kumapat ya agew linma kamid Timplo, sinimbang mi ra may pilak, balituk, tan saray ikakanad Timplo. Kayari mi ran sinimbang, impalima mi rad kinen Meremot a pari a lakin anak nen Urias. Kaiba toy Eleazar a lakin anak nen Finees, tan duaran Levita a di Josabad a lakin anak nen Jesua tan Nodias a lakin anak nen Binui.

Nehemias 3:21

Impaalagey nen Meremot a lakin anak nen Urias tan apo nen Haccoz so onsoblay a soldung na padir ya anggad kasamputay abung nen Eliasib.

Nehemias 3:3

Impaalagey na saray kabyangay boleg nen Hasenaa so Puirta na Sira. Inlira da ray panuksolan tan saray puirta, insan da inyan iray balewet a pangisarad puirta.

Nehemias 3:30

Impaalagey nen Hananias a lakin anak nen Selemias tan si Hanun a kumanem a lakin anak nen Zalaf so onsoblay a soldung na padir; kumadwa yan impaalagey da. Impaalagey nen Mesullam a lakin anak nen Berekias so onsoblay a soldung na padir a walad arap na abung to.

Nehemias 3:5

Impaalagey na saray lalakid Tecoa so onsoblay a soldung na padir, balet saray manonan lalakid baley et ag tinmoluk ed saray makaoley ya angibagad sikaran mankimey.

Nehemias 6:18

Amayamay a totood Juda a migagampi rad kinen Tobias, lapud manugang nen Secanias a lakin anak nen Ara. Sakey ni, inasawa nen Jehohanan ya anak to biin anak nen Mesullam a lakin anak nen Berekias.

Nehemias 7:63

Saray onggendan a boleg na papari et ag ira makarumog na listaan a mamaneknek na sengeg na pamilya ra: Habaias, Haccoz, tan Barzillai, (Say laki na saray paparin kabyangay boleg na Barzillai et angasawa na sakey a biin kabyangay boleg nen Barzillai a taga Galaad tan inala toy ngaran na boleg na katolangan ton laki.) Ag ira naawat a papari, lapud ag da napaneknekan no siopa ray lalaki ra.