Nehemias 3:21 - Maung A Balita Biblia

²¹ Impaalagey nen Meremot a lakin anak nen Urias tan apo nen Haccoz so onsoblay a soldung na padir ya anggad kasamputay abung nen Eliasib.

Maung a Balita Biblia

²¹ Impaalagey nen Meremot a lakin anak nen Urias tan apo nen Haccoz so onsoblay a soldung na padir ya anggad kasamputay abung nen Eliasib.

Nehemias 3:21 Iomraidhean Croise

1 Saray Awaran 4:8

Si Coz so ama di Anub tan Zobeba, tan sikato so sengeg na saray kabyangay boleg nen Aharhel a lakin anak nen Harum.

Esdras 2:61

Saray onggendan a boleg na papari et ag ira makarumog na listaan a mamaneknek na sengeg na pamilya ra: Habaias, Haccoz, tan Barzillai. (Say laki na saray paparin kabyangay boleg nen Barzillai et angasawa na sakey a biin kabyangay boleg nen Barzillai a taga Galaad tan inala toy ngaran na boleg na katolangan to.) Ag ira naawat a papari, lapud ag da napaneknekan no siopa ray lalaki ra.

Esdras 8:33

Insan diad kumapat ya agew linma kamid Timplo, sinimbang mi ra may pilak, balituk, tan saray ikakanad Timplo. Kayari mi ran sinimbang, impalima mi rad kinen Meremot a pari a lakin anak nen Urias. Kaiba toy Eleazar a lakin anak nen Finees, tan duaran Levita a di Josabad a lakin anak nen Jesua tan Nodias a lakin anak nen Binui.

Nehemias 3:1

Onya so impamaalagey lamet ed padir na siudad. Pinasimbalon impaalagey nen Eliasib a Pangulon Pari tan saray kapara ton papari so Puirta na Karniro. Insaklang dad Dios, insan da inyan iray puirta to. Insaklang da so padir ya anggad Tori na Sanlasus tan say Tori nen Hananeel.

Nehemias 3:20

Impaalagey nen Baruc a lakin anak nen Zacai so onsoblay a soldung na padir ya anggad lolooban na abung nen Eliasib a pangulon pari.

Nehemias 3:22

Tinmulong ed impamaalagey lamet ed padir iray onggendan a papari: Impaalagey na saray paparin walad kaliber-liber na Jerusalem so onsoblay a soldung na padir;

Nehemias 3:4

Impaalagey nen Meremot a lakin anak nen Urias tan apo nen Haccoz so onsoblay a soldung na padir. Impaalagey nen Mesullam a lakin anak nen Berekias tan apo nen Mesezabel so onsoblay a soldung na padir. Impaalagey nen Sadoc a lakin anak nen Baana so onsoblay a soldung na padir.

Nehemias 7:63

Saray onggendan a boleg na papari et ag ira makarumog na listaan a mamaneknek na sengeg na pamilya ra: Habaias, Haccoz, tan Barzillai, (Say laki na saray paparin kabyangay boleg na Barzillai et angasawa na sakey a biin kabyangay boleg nen Barzillai a taga Galaad tan inala toy ngaran na boleg na katolangan ton laki.) Ag ira naawat a papari, lapud ag da napaneknekan no siopa ray lalaki ra.