Nehemias 3:15 - Maung A Balita Biblia

¹⁵ Pinasimbalon impaalagey nen Sallum a lakin anak nen Col-hoza tan manoley na distritoy Mizpa so Puirta na Sobul. Tinarungan to, inlira to ray puirta, insan to inyan iray balewet. Diad Dipositoway Danum na Seloe impaalagey toy padir ya akiketeg ed tanamanan na ari, ya anggad saray balitang a mampaleksab manlapud Siudad nen David.

Maung a Balita Biblia

¹⁵ Pinasimbalon impaalagey nen Sallum a lakin anak nen Col-hoza tan manoley na distritoy Mizpa so Puirta na Sobul. Tinarungan to, inlira to ray puirta, insan to inyan iray balewet. Diad Dipositoway Danum na Seloe impaalagey toy padir ya akiketeg ed tanamanan na ari, ya anggad saray balitang a mampaleksab manlapud Siudad nen David.

Nehemias 3:15 Iomraidhean Croise

2 Samuel 5:9

Kayarin adakep so tirinsira, nanayaman nen David tan inngaran to na “Siudad nen David.” Impaalagey toy siudad ed kaliber-liber na tirinsira; inggapo tod pasen a tinabonan diad bokig na pokdul.

2 Saray Arari 25:4

abongaw na saray kalaban so padir na siudad. Anggaman a nilakob na saray taga Babilonia so siudad, akabatik ed labi so ari tan amin da ray sondalo na Juda. Dinmalan irad puirtan nanleetan na duaran padir ya asingger ed tanamanan na ari. Batik iran amaarap ed Patar na Jordan.

2 Saray Awaran 32:30

Si Ari Ezekias so anara na papawayan na Sobul na Gihon, insan to impaarap ya onagos ya anggad sakey a pasen ed dalem na saray padir na Jerusalem. Inmaligwas si Ezekias ed amin da ray ginagawa to.

Nehemias 12:37

Diad Puirta na Sobul nantakayan iran amaatagey ed siudad nen David, dinmalan irad palasio nen David, insan ira pinmawil ed padir diad kawalaay Puirta na Danum diad nibokig na siudad.

Nehemias 2:14

Insan ak nampabaybay tan linma ak ed Puirta na Sobul tan diad Dipositoy danum na Ari. Anggapo lay nadalan na samay asnon kinabayoan ko,

Nehemias 2:17

Balet natan inkuankod sikara, “Nengneng yoy gunigon a walad sikatayo, lapud aderal-deral so Jerusalem tan saray puirta to. Pasimbaloen tin ipaalagey so padir na siudad tan pansamputen tayo la yay kababaingan tayo.”

Nehemias 3:12

Impaalagey nen Sallum a lakin anak nen Hallohes, tan manoley ed kapaldua na Distritoy Jerusalem so onsoblay a soldung na padir. (Tinmulong ed kimey iray anak ton bibii.)

Nehemias 3:14

Pinasimbalon impaalagey nen Malkias a lakin anak nen Recab tan manoley na distritoy Betha-kerim so Puirta na Deral-deral. Inlira to ray puirta, insan to inyan iray balewet a pangisarad puirta.

Nehemias 3:19

Impaalagey nen Ezer a lakin anak nen Jesua tan manoley ed Mizpa so onsoblay a soldung na padir a walad arap na panagsinupay armas, ya anggad pasen a nilikoay padir;

Nehemias 3:7

Impaalagey nen Melatias a taga Gabaon, si Jadon a taga Meronot, tan saray lalakid siudad na Gabaon tan Mizpa so onsoblay a soldung na padir ya anggad kawalaay abung na gobirnador na Luyag na Sagur na Eufrates.

Nehemias 3:9

Impaalagey nen Refaias a lakin anak nen Hur tan manoley ed kapaldua na Distritoy Jerusalem so onsoblay a soldung na padir.

Ecclesiastes 2:6

Angotkot ak na saray bobun a panalaay pansalug ed saraya.

Isaias 8:6

Inkuanto, “Lapud sarayan totoo et impolisay day mareen a danum na Sobul na Siloe, tan manggiwgiw irad arap di Ari Rezin tan Ari Peca,

Jeremias 40:6

Linma ak ya akiayam ed kinen Gedalias diad Mizpa tan akilimug-limug ak ed saray totoon atilak ed dalin na Juda.

Lucas 13:4

Tan nipaakar met ed saramay labinwalon totoo ed Siloe ya inatey lapud atumbaan iray tori, abaloan yo sirin a lalon maoges ni ra nen saray amin nin arum a totoon manaayam ed Jerusalem?

Juan 9:7

Inkuanen Jesus ed sikato, “Laka, ta mandilamus kad man ed dipositoway danum ed Siloe” (a kabaliksan toy “Nibaki”). Linma may bulag sirin tan nandilamus diman. Nen pinmawil makanengneng la.

Saray Huis 20:1

Amin da ray totood Israel, manlapud Dan diad baybay ya anggad Beer-seba diad abalaten tan manlapud Galaad diad bokig, et inmebat irad tawag a mibakal ira. Nantitipon iran singa saksakey iran laman diad arap na Katawan diad Mizpa.

Saray Huis 20:3

Nadngelan na saray totood Benjamin so sayan impantitipon ed Mizpa na amin da ray arum ya Israelita. Tinepet na saray Israelita, “Ibagam ed sikami no panoy inkagawa na saman a kaogsan?”