Nehemias 3:1 - Maung A Balita Biblia

¹ Onya so impamaalagey lamet ed padir na siudad. Pinasimbalon impaalagey nen Eliasib a Pangulon Pari tan saray kapara ton papari so Puirta na Karniro. Insaklang dad Dios, insan da inyan iray puirta to. Insaklang da so padir ya anggad Tori na Sanlasus tan say Tori nen Hananeel.

Maung a Balita Biblia

¹ Onya so impamaalagey lamet ed padir na siudad. Pinasimbalon impaalagey nen Eliasib a Pangulon Pari tan saray kapara ton papari so Puirta na Karniro. Insaklang dad Dios, insan da inyan iray puirta to. Insaklang da so padir ya anggad Tori na Sanlasus tan say Tori nen Hananeel.

Nehemias 3:1 Iomraidhean Croise

Nehemias 12:10

Si Jesua so ama nen Joakim ya ama nen Eliasib; si Eliasib so ama nen Joiada

Nehemias 12:30

Sinumpal na saray papari tan saray Levita so panaglinis onung ed ganggan para sikara, saray totoo, saray puirta, tan say padir na siudad.

Nehemias 12:39

manlapud man intuloy miy kurang mi insan nilabasan mi so Puirta nen Efraim, Puirta na Jesana, Puirta na Sira, Tori nen Hananel, tan say Tori na Sanlasus. Nilabasan mi met so Puirta na Karniro insan kami la tinmonda ed Puirta na Guardia.

Nehemias 13:28

Si Joiada a lakin anak nen Eliasib so Pangulon Pari. Balet inasawa na sakey ed saray lalakin anak to so anak nen Sanbalat a taga baley na Bet-horon, kanyan pinataynan kod Jerusalem si Joiada.

Nehemias 13:4

Si Eliasib a pari a makaoley nen saman ed saray kuarton panagsinupan ed Timplo et abayag a maabig so pipiolup tod kinen Tobias.

Nehemias 3:20

Impaalagey nen Baruc a lakin anak nen Zacai so onsoblay a soldung na padir ya anggad lolooban na abung nen Eliasib a pangulon pari.

Nehemias 3:21

Impaalagey nen Meremot a lakin anak nen Urias tan apo nen Haccoz so onsoblay a soldung na padir ya anggad kasamputay abung nen Eliasib.

Nehemias 3:32

Impaalagey na saray platiro tan saray negosianti so onsoblay a soldung na padir manlapud kuartod suyok ya anggad Puirta na Karniro.

Nehemias 6:1

Nadngelan di Sanbalat, Tobias, Gesem ya Arabe, tan saray arum nin kalaban mi ya asumpal mi lan nipaalagey so padir tan apansasaip lan amin iray nagnagba, anggaman ya ag mi ni nilira iray puirta.

Nehemias 7:1

Apasimbalo lan nipaalagey so padir, nilira la ray puirta, tan niiter lay kimey da ray guardiay Timplo, saray kumakantad Timplo, tan saray arum a Levita.

Saray Salmo 30:1

Idadayew ta ka, Katawan, lapud inlaban mo ak tan ag mo inyabuloy ya elek-elekan ak na saray kalaban ko.

Saray Salmo 48:12

Totoo na Dios, liber yoy Palandey na Sion tan bilang yo ray tori to;

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

Probirbio 3:9

Pagalangan moy Katawan diad panamegley na pangibagat mod sikato na sankaabigan a bungay dalin mo.

Jeremias 31:38

“Onsabi so panaon,” kuay Katawan, “a napasimbalon nipaalagey a siudad ko so intiron Jerusalem, manlapud tori na Hananel ya anggad Puirta na Sokung.

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Zacarias 14:10

Napalanas so intiron dalin manlapud Geba diad baybay ya anggad Rimon diad abalaten. Say Jerusalem mansiansian ososdungan to ray dalin ed kaliber-liber to; say siudad sakopen toy pasen a manlapud Puirta nen Benjamin ya anggad Puirta na Suyok, a kawalaan nen saman na gendat a puirta, tan manlapud Tori nen Hananel ya anggad pespesan na ubas na ari.

Juan 5:2

Diad Jerusalem, diad abay na Puirtay Karniro, walay sakey a dipositoway danum a diad salitay Hebreo, tatawagey Betesda. Walay limaran portiko to,

Deuteronomio 20:5

“Insan saray opisyal ikuandad saray totoo, ‘Wala diad sikayo so kapkapangipaalagey toy abung to ya ag to ni abasaan? No wala, nepeg ya onsempet. Ta no napatey ed bakal, sananey a too so mampabasa.