Nehemias 2:20 - Maung A Balita Biblia

²⁰ Inmebat ak, “Pampalaboen kami na Dios na Tawen. Sikami ray aripen to, kanyan igapo miy pangipaalagey. Balet sikayo, anggapoy kanepegan yon mangayaryan na bengatla ed Jerusalem. Anggapoy pibibiang yod saray agawgawad sayan siudad.”

Maung a Balita Biblia

²⁰ Inmebat ak, Pampalaboen kami na Dios na Tawen. Sikami ray aripen to, kanyan igapo miy pangipaalagey. Balet sikayo, anggapoy kanepegan yon mangayaryan na bengatla ed Jerusalem. Anggapoy pibibiang yod saray agawgawad sayan siudad.

Nehemias 2:20 Iomraidhean Croise

2 Saray Awaran 26:5

Legan a mabilay si Zacarias, a sumisimbawa ton nipaakar ed itatakot ed Dios, matoor ton nilingkuran so Katawan, kanyan pinaaligwas na Dios.

Esdras 4:3

Inkuan ed sikara di Zorobabel, Josue, tan saray pangulo da ray boleg, “Ag mi kaukolay tulong yod pangipaalagey na sakey a timplo para Katawan a Dios mi. Sikamin diliy mangipaalagey onung na ingganggan ed sikami nen Impirador Ciro na Persia.”

Nehemias 1:4

Nen nadngel ko ya, inmirung ak, insan ak nanakis. Pigay agew ak a nanermen tan ag angan. Nampikasi ak ed Dios.

Nehemias 2:4

Tinepet na impirador, “Anto siriy labay mon kerewen?” Nampikasi ak ed Dios na Tawen,

Ester 4:11

“No walay siopaman, laki may bii, ya onlad patio ed dalem tan miarapan ed ari anggaman ya ag tinawag, nepeg a pateyen itan a too. Sikato yay ganggan; kabat ya na balang sakey, manlapud saray sumisimbawa na ari ya anggad saray totoo na luyag. Anggapoy makapaliis ed sayan ganggan, likud no say ari et itoro tod siopaman so balituk a sitro to; ag napatey ed satan. Balet sakey bulan lan ag ak ni tinawag na ari.”

Saray Salmo 102:17

Dengelen to ray nikaindan a totoo to tan ebatan toy pikakasi ra.

Saray Salmo 122:6

Pikasi yoy kareenan na Jerusalem: “Onaligwas komun iray mangaarod sika!

Saray Salmo 20:5

Diad satan maneyag itayod liket tan silibraan tayoy impanalom diad pangidayew ed Dios tayo. Iter komun na Katawan ya amin iray kerew mo!

Saray Salmo 35:27

Saray mampipilalek a napaneknekan ya anggapoy kasalanan ko et oneyag ira komun ed liket tan ikuandan naynay, “Matalonggaring so Katawan! Maliket ed inyaligwas na aripen to.”

Saray Salmo 51:18

O Dios, kasian mo pay Sion tan tulongan mo; ipaalagey mo pa lamet iray padir na Jerusalem.

Exodo 28:29

“No onloob si Aaron ed Masanton Pasen, isolung to so apis na pagew ya akaitatakan na kangaranan na saray boleg na Israel, pian siak a Katawan et nanunotan ko lawas iray totook.

Ecclesiastes 7:18

Ag mo lalabasey inkaoges odino say inkatonung mo. Igalang moy Dios et onaligwas ka met ni lamlamang.

Isaias 56:5

nanunotan ed Timplok tan diad saray totook so ngaran mo. Mabayag ni so pakanunot ed sika nen say no wala ray anak mon lalaki tan bibii. Ag kan balut nalingwanan.”

Levitico 2:2

insan to iyakar ed saray paparin anak nen Aaron. Say parin mangibabagat et alaen toy sankaakup ed samay arinan pinatoroan na larak tan amin imay insinso insan to ra poolan ed tapew na altar. Sikato yay pakapatnagan a nibagat lan amin ed Katawan imay arina. Makapaliket ed Katawan so balingit na sayan bagat.

Levitico 24:7

Mangyan kayo na daiset ya insinso ed kapag dasig, a pakapatnagan a sikatoy bagat a popoolan ed Katawan, a mangalay pasen na tinapay.

Zacarias 6:14

Manayam ed dalem na Timplo na Katawan imay korona a sakey a pakanudnunotan ed kindi Heldai, Tobias, Jadaya, tan Josias.”

Saray Bilang 10:10

Ontan met diad saray agew a panliliket yo—diad saray Pista na Balon Bulan tan arum ni ran niganan pista—paknul yo ra yan trumpita no isaklang yo la ray bagat yon popoolan tan saray bagat a para kareenan. Diad satan tulongan ta kayo. Siak so Katawan a Dios yo.”

Saray Gawgawa 10:31

tan inkuanto, ‘Cornelio, dinengel na Dios so panagpikasim tan binirbir toy panagtulong mod kaparam a too.

Saray Gawgawa 10:4

Ninengneng ton maung imay anghil tan agaylay takot ton inmebat, “Antoman?” Inmebat imay anghil, “Binirbir na Dios so panagpikasim tan panagtulong mod kaparam a too, tan anunotan to ka.

Saray Gawgawa 8:21

Anggapoy betang odino kanepegan mod sayan kimey, ta marotak ed arap na Dios so pusom.