Nehemias 2:1 - Maung A Balita Biblia

¹ Aminsan ya agew nen bulan na Nisan diad kumaduamploy taon na panooley nen Impirador Artajerjes, inyakaran koy alak nen akarongo. Ag to ak nin balut anengneng a maermen nen saman,

Maung a Balita Biblia

¹ Aminsan ya agew nen bulan na Nisan diad kumaduamploy taon na panooley nen Impirador Artajerjes, inyakaran koy alak nen akarongo. Ag to ak nin balut anengneng a maermen nen saman,

Nehemias 2:1 Iomraidhean Croise

Genesis 40:11

Sankabembenan koy kupa na ari, kanyan inalak ira may bungay ubas tan pinespes ko rad kupa, insan ko inter ed ari.”

Genesis 40:21

Pinapawil to may inkargadoy alak ed gendat a kimey to,

Esdras 4:7

Diad legan na panooley nen Impirador Artajerjes ed Persia nansulat ed impirador ira di Bislam, Mitredates, Tabeel, tan saray kakaiba ra. Say salitan Aramaica so inkana ed sayan sulat da, kanyan nepeg ya ipatalus no ibasa.

Esdras 7:1

Linmabas so amayamay a taon. Nen impirador na Persia si Artajerjes, walay sakey a lakin manngaran na Esdras ya anak nen Seraya a lakin anak nen Azarias, a lakin anak nen Helcias.

Esdras 7:7

Iinmay Esdras ed Jerusalem a kaiba toy sakey a grupo na saray Israelita, a pati saray papari, saray Levita, saray tumugtogtog tan saray kumakanta ed Timplo, saray guardiay Timplo, tan saray kumikimey. Agawa ya nen kumapitoy taon na panooley nen Ari Artajerjes.

Nehemias 1:1

Sikato yay istoria na agawaan nen Nehemias a lakin anak nen Hacalias. Diad bulan na Kislev nen Kumaduamploy taon na panooley nen Impirador Artajerjes, siak, si Nehemias, et wala ak ed manonan siudad na Susan.

Nehemias 1:11

Dengel mo natan so pikakasik tan saray pikakasi da ray arum ya ariripen mo a labay da kan pagalangan. Paaligwas mo ak pa natan, tan iyabuloy mon kasian ak na impirador.” Diad saraman ya agew siak so makaoley ed alak na impirador.

Ester 3:7

Diad kumalabinduan taon na panooley nen Ari Asuero, diad ononan bulan, say bulan na Nisan, ingganggan nen Haman a gawaen so pampapalaranan a tatawagen na “purim,” ta amtaen to no dinay manepeg ya agew tan bulan a panggawad samay getma to. Apili so kumalabintalon agew na kumalabinduan bulan, say bulan na Adar.

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.