Nehemias 13:3 - Maung A Balita Biblia

³ Nen nadngel na saray totood Israel yan parti na Ganggan pinaekal dad olupan da iray amin a taga arum a bansa.

Maung a Balita Biblia

³ Nen nadngel na saray totood Israel yan parti na Ganggan pinaekal dad olupan da iray amin a taga arum a bansa.

Nehemias 13:3 Iomraidhean Croise

Esdras 10:11

Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.”

Esdras 9:2

Saray lalakin Judio et angaasawa ra na saray bibiin taga arum a bansa, kanyan alaukan so poli na masanton totoo na Dios. Saray pangulo tan saray opisyal so manonan mananumlang.

Nehemias 10:28

Sikamin totood Israel, saray papari, saray Levita, saray guardiad Timplo, saray tumutogtog tan saray kumakanta ed Timplo, saray kumikimey ed Timplo, tan saray arum a diad panangonur ed Ganggan na Dios et imbiig day sikaran dili ed saray sangkailin manaayam ed dalin mi, sikami tan saray kaasawaan mi tan amin da ray anak min wala lay pakatalus,

Saray Salmo 119:11

Iyootel kod pusok so ganggan mo, pian ag ak mankasalanan ed sika.

Saray Salmo 119:9

Panon a napansiansia na tobun-balo so bilay ton malinis? Diad panamegley na pangonur tod saray ganggan mo.

Exodo 12:38

Dakerakel ya arum a totoo tan amayamay a karniro, kanding, tan baka so akilad sikara.

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Saray Bilang 11:4

Wala ray sangkailin kaolup na saray Israelita diad pankukurang ra. Nampilpilalekan day makasira na karni, tan anggan saray dilin Israelita nanriklamo ra: “Oy la komun ta makasira itayo la na karni!

Saray Taga Roma 3:20

Ta anggapoy toon nibilang a matonung ed arap na Dios diad panamegley na panangonur toy ibabagay Ganggan. Say gagawaey Ganggan et say pangipapaamta to a nankasalanan so too.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.