Nehemias 13:10 - Maung A Balita Biblia

¹⁰ Akabatan ko met a tinaynan na saray tumutogtog tan saray kumakanta, tan saray Levita so Jerusalem ta pinmawil irad kaalogan da. Onyay agawa, lapud kulang a pambilay da so iiter na totood sikara.

Maung a Balita Biblia

¹⁰ Akabatan ko met a tinaynan na saray tumutogtog tan saray kumakanta, tan saray Levita so Jerusalem ta pinmawil irad kaalogan da. Onyay agawa, lapud kulang a pambilay da so iiter na totood sikara.

Nehemias 13:10 Iomraidhean Croise

2 Saray Awaran 31:4

Ingganggan ni na ari a mangyakar iray totood Jerusalem na saray bagat a nepeg ya iter ed saray papari tan saray Levita, pian niiter day arum a panaon da ed panumpal day Ganggan na Katawan.

Nehemias 10:37

Mangyakar kamid saray papari diad Timplo na minasan arina ya agawad ononan trigon naani kapag taon; iyakar mi met iray arum nin bagat min alak, larak na oliba, tan amin a klasin prutas. Iyakar mid saray Levita a managalay kakaplo ed saray daralusan min bario so kakaplo na saray bungay tanaman ed dalin mi.

Nehemias 10:39

Saray totood Israel tan saray Levita et iyakar dad saray kuarton panagsinupan a kawalaan na saray kagawaan na Timplo iray iniiter a trigo, alak, tan larak na oliba. Diay panaayaman na saray paparin liber day mankimey ed Timplo, saray guardiad Timplo, tan saray tumutogtog tan saray kumakanta ed Timplo. Ag mi paolyan so abung na Dios mi.

Nehemias 12:47

Diad panaon nen Zorobabel tan diad panaon met nen Nehemias, amin da ray totood Israel naniiter iran inagew-agew na saray rigalon nakaukolan na saray tumutogtog tan saray kumakanta tan saray guardiad Timplo. Saray totoo et naniiter ira na masanton bagat ed saray Levita, tan saray Levita iniiter day kanepegan a betang na saray papari.

Isaias 43:23

Ag mo ak inyakaran na karnirom a para bagat a popoolan; ag mo inkanan pangigalang ed siak iray bagat mo. Ag ta ka impansakbat na ambelat diad impamilit kod sikan mangibagat odino pinairap ta ka diad impankerew kod sikay insinso.

Malakias 3:8

Tetepetan ta kayo, maung kasin takewan na too so Dios? Andi-duaruwa ya aliwan maung, balet tatakewan yo ak. “Panon mi kan tatakewan?” tepet yo. Diad saray kakaplo tan diad saray bagat.

Saray Bilang 35:2

“Ibagam ed saray Israelita a diad saray naawat dan kayaryan nepeg ya itdan da ray Levita na pigaran siudad a panayaman da tan dalin a panagpastolan ed kaliber-liber na saray siudad.

Deuteronomio 12:19

Ag yon balut papaolyan iray Levita legan na panayam yod dalin yo.