Nehemias 12:27 - Maung A Balita Biblia

²⁷ Nen nisaklang ed Dios so padir na siudad na Jerusalem, atawag a mantitipon ed Jerusalem iray Levitan manaayam ed inerman a pasen. Agaway onya pian makapibiang irad pista na panangisaklang tan diad pankanta na pisasalamat tan pantogtog na saray piangpiang tan saray arpa.

Maung a Balita Biblia

²⁷ Nen nisaklang ed Dios so padir na siudad na Jerusalem, atawag a mantitipon ed Jerusalem iray Levitan manaayam ed inerman a pasen. Agaway onya pian makapibiang irad pista na panangisaklang tan diad pankanta na pisasalamat tan pantogtog na saray piangpiang tan saray arpa.

Nehemias 12:27 Iomraidhean Croise

2 Samuel 6:12

Nadngelan nen Ari David a lapud Kaban na Sipanan, binindisionan na Katawan so pamilya nen Obed-edom tan amin a kayaryan to. Kanyan inala toy Kaban na Sipanan ed abung nen Obed-edom, ta iyakar ton malikeliket ed Jerusalem.

1 Saray Arari 8:63

Duamplo tan duan libon baka tan sanlasus tan duamplon libon karniro so insaklang nen Solomon a bagat a para kareenan. Diad onya insaklang nen Solomon tan amin da ray totoo so Timplo.

1 Saray Awaran 13:8

Si David balet tan saray amin a totood Israel nansasayaw ira ed anggaay nayarian da a pangigalang ed Dios. Nankakanta ra tan nantotogtog ira na saray arpa, tambul, piangpiang, tan trumpita.

1 Saray Awaran 15:12

Inkuantod sikara, “Sikayo ray pangulo na saray boleg na Levita. Linisan yo onung ed ganggan so sikayon dili tan saray kapara yon Levita, pian nayarian yon awiten so Kaban na Sipanan na Katawan a Dios na Israel ed pasen ya imparaan kon panginan.

1 Saray Awaran 15:16

Ingganggan nen David iray pangulo na saray Levita a manoro ra na saray nandoroman Levita a mankanta tan mantogtog na maliket iran togtog ed saray arpa tan piangpiang.

1 Saray Awaran 15:28

Kanyan amin da ray Israelita inolup da ya anggad Jerusalem imay Kaban na Sipanan a kataruk day eyag na liket, tanul na saray trumpita, tambuyog, piangpiang, tan togtog na saray arpa.

1 Saray Awaran 15:4

Insan impatawag to ray kabyangay boleg nen Aaron tan saray Levita.

1 Saray Awaran 16:42

Di Heman tan Jedutun met so makaoley ed saray trumpita, piangpiang, tan saray arum a kagawaan na musika a togtogen ira no kantaen iray imnon panangidayew. Saray kabyangay boleg nen Jedutun so makaoley ed panagguardiad saray puirta.

1 Saray Awaran 16:5

Si Asaf so atoron pangulo tan si Zacarias so onkumadwad sikato. Saray manogtog na saray arpa et di Jeiel, Semiramot, Jehiel, Matatias, Eliab, Benaya, Obed-edom, tan Jeiel. Si Asaf so mampaknul na piangpiang,

1 Saray Awaran 23:5

Impasen to ray apat a libo a mangguardia, tan say apat a libo et impasen to ran mangigalang ed Dios diad pangikana ray kagawaan ed musika ya inter ton para sayan pamaakaran.

1 Saray Awaran 26:31

Si Jerias so pangulo da ray kabyangay boleg nen Hebron. Nen kumaapataploy taon a panaari nen David agaway sakey ya impanoysoy ed saray mikanayon ed kinen Hebron, et arumog ed Jazer a sakop na dalin na Galaad iray pigaran matalonan sondalo a kabyangan na sayan boleg.

2 Saray Awaran 29:25

Tinombuk na ari iray bilin ya inter na Katawan ed kinen Ari David diad panamegley nen Gad a propita na ari tan diad panamegley nen propita Natan; angipasen na saray Levita ed Timplo a wala ray arpa tan piangpiang da,

2 Saray Awaran 29:30

Si Ari Ezekias tan saray pangulo na bansa et imbaga rad saramay Levita a kantaen dad Katawan iray kanta a pangidayew ya insulat ira nen David tan si Asaf a propita. Kanyan kinanta ran malikeliket legan dan mantatalimukor tan mangigagalang ed Dios.

2 Saray Awaran 7:6

Nanalagey iray papari ed angipasenan ed sikara tan nanalagey met iray Levita a sankaarap da ra. Saray Levita indadayew day Katawan diad impantotogtog dad saray kagawaan na musika ya inter nen Ari David tan kinakanta ra may imno, “Andi-anggaan so Panangaro to!” onung na ingganggan nen David ed sikara. Pinaknul na saramay papari iray trumpita tan nanalagey iray totoo.

Esdras 6:16

Insan saray Israelita saray papari, saray Levita, tan amin da ray totoon pinmawil a manlapud inkibantaken dan bansa—malikeliket dan insaklang ed Dios imay Timplo.

Nehemias 11:20

Saray arum a totood Israel tan saray arum a papari tan saray Levita et nanayam irad dilin dalin da diad saray arum a siudad tan baley na Juda.

Nehemias 12:43

Amayamay a bagat so insasaklang dad saman ya agew, tan mapalaloy gayaga na saray totoo lapud ontan lay impamaliket na Dios ed sikara. Akipista met iray bibii tan saray ogogaw. Narengel ed arawdawi so kasil na bosis dan amin.

Nehemias 8:17

Amin da ray totoon pinmawil manlapud inkadakep nanggagawa ra na saray abung-abung tan nanaayaman da. Natan labat so impakagawa to ya nanlapud saramay agew nen Josue a lakin anak nen Nun, kanyan mapalaloy liket na balang sakey ed sikara.

Saray Salmo 149:3

Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Saray Salmo 30:1

Idadayew ta ka, Katawan, lapud inlaban mo ak tan ag mo inyabuloy ya elek-elekan ak na saray kalaban ko.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Deuteronomio 20:5

“Insan saray opisyal ikuandad saray totoo, ‘Wala diad sikayo so kapkapangipaalagey toy abung to ya ag to ni abasaan? No wala, nepeg ya onsempet. Ta no napatey ed bakal, sananey a too so mampabasa.

FILIPOS 4:4

Manliket kayo lawas ed Katawan. Oliten ko: manliket kayo!

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.