Nehemias 11:30 - Maung A Balita Biblia

³⁰ Zanoa, Adullam, tan diad saray kaliber-liber dan bario. Nanayam irad Lakis tan diad kaalogan to, diad Azeca tan saray bario to. Saray totood Juda nanayam ira sirin ed dalin a nanleetan na Beer-seba diad abalaten tan say Patar na Hinom diad baybay.

Maung a Balita Biblia

³⁰ Zanoa, Adullam, tan diad saray kaliber-liber dan bario. Nanayam irad Lakis tan diad kaalogan to, diad Azeca tan saray bario to. Saray totood Juda nanayam ira sirin ed dalin a nanleetan na Beer-seba diad abalaten tan say Patar na Hinom diad baybay.

Nehemias 11:30 Iomraidhean Croise

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

Genesis 25:16

Sikara ra yay ilalak nen Ismael. Sikaray sengeg na labinduan tribu, tan inngaran dad kangaranan da ray bario tan saray arum a pasen a nanaayaman da.

2 Saray Arari 23:10

Ginawa met nen Ari Josias ya andi-kabaliksan so Tofet, say pasen na panangigalangan na saray pagano diad Patar na Hinom, pian anggapo lay makapangisaklang ed dios a Molec na anak ton laki o bii.

Nehemias 11:29

Nanayam irad baley na Enrimon, Zora, Jarmut,

Nehemias 11:31

Saray totood tribu nen Benjamin nanayam irad saray siudad na Geba, diad baybay ya anggad Micmas, Ai, Betel tan saray kaliber-liber ton bario,

Nehemias 3:13

Pinasimbalon impaalagey nen Hanun tan saray manaayam ed siudad na Zanoa so Puirta na Patar. Inlira da ray puirta, insan da inyan iray balewet a pangisarad puirta. Inapiger da met so apat a lasus tan apataplon mitro ed padir ya anggad Puirta na Deral-deral.

Isaias 37:8

Akabatan na samay opisyal na Asiria a tinaynan na impirador so Lakis, tan mibabakal ed siudad na Libna; kanyan linmad man a pangipanonan to.

Jeremias 19:2

ta itagar ko rad patar na Ben-hinnom diad kapaway na Puirta na Langa. Diman ko ipulong so salita na Katawan ya iter tod siak.

Jeremias 19:6

Kanyan sirin, onsabiy panaon a sayan pasen et ag la natawag na Tofet odino Patar na Hinom. Ingen natawag a Patar na Panagpateyan.

Jeremias 32:35

Nanggagawa ra na saray altar a para Baal diad Patar na Hinnom, a pangibagatan dad dios a Moloc na saray anak dan lalaki tan bibii. Ag ko ingganggan ed sikara a gawaen day onya, tan ag anggan sinmebang ed kanunotan ko a gawaen da man a makapaingungot a bengatla, pian pankasalananen da ray totood Juda.”

Mikias 1:15

Sikayo ran totood Maresa, paoleyan kayo na Katawan ed pakayari na saray kalaban yo, a sikaray manakep na baley yo. Onlan onamut ed ongib na Adulla iray pangulo na Israel.

Josue 10:3

Kanyan si Adonizedek impaikuantod kindi Ari Hoham na Hebron, Ari Piram na Jarmut, Ari Jafia na Lakis, tan Ari Debir na Eglon:

Josue 12:15

Libna, Adullam,

Josue 15:39

Lakis, Bozcat, Eglon,

Josue 15:8

tan mampatatdang ed Patar na Hinom diad niabalaten a dapag na pokdul a kawalaan na Jerusalem a siudad na saray Jebuseo. Say ketegan ontuloy ya anggad toktok na pokdul ed nisagur a dapag na Patar na Hinom, diad nibaybay a samput na Patar na Refaim.

Josue 18:16

Mampalasur ed satan ed alusadsar ya ososdongan toy Patar na Hinom, diad nibaybay a samput na Patar na Refaim. Ontuloy ed abalaten tan nadalan toy Patar na Hinom a niabalaten na pokdul da ray Jebuseo, insan ontalus ed Enrogel.