Nehemias 11:22 - Maung A Balita Biblia

²² Say pangulod kimey da ray Levita a nanayam ed Jerusalem et si Uzi a lakin anak nen Bani tan apo nen Hasabias. Saray arum a lalaki to et di Matanias tan Mica, tan kabyangay boleg nen Asaf, say boleg a makaoley ed togtog tan kanta ed saray sirimonyad Timplo.

Maung a Balita Biblia

²² Say pangulod kimey da ray Levita a nanayam ed Jerusalem et si Uzi a lakin anak nen Bani tan apo nen Hasabias. Saray arum a lalaki to et di Matanias tan Mica, tan kabyangay boleg nen Asaf, say boleg a makaoley ed togtog tan kanta ed saray sirimonyad Timplo.

Nehemias 11:22 Iomraidhean Croise

2 Samuel 9:12

Si Mefiboset walay malangwer ya anak ton laki a manngaray Mica. Nagmaliw ya aripen nen Mefiboset iray amin a kabyangay pamilya nen Siba.

Esdras 8:19

Imbaki ra met si Hasabias tan si Jesaias a kabyangan iray boleg nen Merari; akilad sikaray duamplo ed saray kakanayon da.

Nehemias 11:11

Si Seraya a lakin anak nen Helcias tan apo nen Mesullam. Saray arum a lalaki to et di Sadoc, Meraiot, tan Ahitob a Pangulon Pari.

Nehemias 11:14

Sanlasus, duamplo tan walon kabyangan na sayan boleg iray matalonan sondalo. Say pangulo ra et si Zabdiel a kabyangay sakey a pamilyan matalona.

Nehemias 11:9

Si Joel a lakin anak nen Zicri so pangulo ra, tan si Juda a lakin anak nen Senua so onkumadwan opisyal na siudad.

Nehemias 12:42

tan tomtombuken ira na saray onggendan: Maaseya, Semaya, Eleazar, Uzi, Johanan, Malkias, Elam, tan Ezer. Inkasil-kasil na saray kumakanta so impankakanta ra diad panangipangulo nen Izrahias.

Nehemias 12:46

Manlapud panaon nen Ari David tan si Asaf saray tumutogtog tan saray kumakanta so angipangulo ed saray kantan pangidayew tan pangiter na pisasalamat ed Dios.

Nehemias 13:13

Impasen kon makaoley ed saray kuarton panagsinupan iray onggendan a lalaki: Semaya a pari: Sadoc ya iskriba; tan Pedaya a Levita. Si Hanan a lakin anak nen Zacur tan apo nen Matanias so katulong dad kimey. Walay panagmatalek kod sikaran ibunog dan anggapoy saol ed saray kapara ran kumikimey iray abasto.

Nehemias 3:17

Tinmulong ed impamaalagey lamet ed padir iray onggendan a Levita: Impaalagey nen Rehum a lakin anak nen Bani so onsoblay a soldung na padir; Impaalagey nen Hasabias a manoley na kapalduay distrito na Keila so onsoblay a soldung na padir diad ngaran na distrito to;

Nehemias 8:7

Inmalagey iray totoo, tan saray onggendan a Levita so angipaliwawad sikara na Ganggan; Jesua, Bani, Serebias, Jamin, Acub, Sabetai, Hodias, Maasias, Kelita, Azarias, Josabad, Hanan, tan Pelaya.

Saray Gawgawa 20:28

Asikaso yoy sikayon dili tan amin a karniro, salanti saray kabyangay iglisia a sikaray impia ed sikayo na Ispiritu Santo. Asikaso yoy iglisia na Dios a dinondon to diad panamegley na dala ton dili.