Nehemias 10:37 - Maung A Balita Biblia

³⁷ Mangyakar kamid saray papari diad Timplo na minasan arina ya agawad ononan trigon naani kapag taon; iyakar mi met iray arum nin bagat min alak, larak na oliba, tan amin a klasin prutas. Iyakar mid saray Levita a managalay kakaplo ed saray daralusan min bario so kakaplo na saray bungay tanaman ed dalin mi.

Maung a Balita Biblia

³⁷ Mangyakar kamid saray papari diad Timplo na minasan arina ya agawad ononan trigon naani kapag taon; iyakar mi met iray arum nin bagat min alak, larak na oliba, tan amin a klasin prutas. Iyakar mid saray Levita a managalay kakaplo ed saray daralusan min bario so kakaplo na saray bungay tanaman ed dalin mi.

Nehemias 10:37 Iomraidhean Croise

2 Saray Awaran 31:6

Inyaakar na amin da ray totoon manaayam ed saray siudad na Juda so kakaplo na saray baka tan saray karniro ra. Inyaakar da met iray amayamay a rigalo ran isaklang dad Katawan a Dios da.

Nehemias 13:10

Akabatan ko met a tinaynan na saray tumutogtog tan saray kumakanta, tan saray Levita so Jerusalem ta pinmawil irad kaalogan da. Onyay agawa, lapud kulang a pambilay da so iiter na totood sikara.

Nehemias 13:12

Inggapo lamet na saray totood Israel so mangyakar ed saray kuarton panagsinupan ed Timplo na kakaplo na trigo, alak, tan larak na oliba ra.

Nehemias 13:5

Inabuloyan ton ikana nen Tobias so sakey a baleg a kuarto a nigana a pangisinupan labat na saray bagat a trigo tan insinso, saray kagawaan ya ikakanad Timplo, saray bagat a para saray papari, tan saray kakaplo na trigo, alak, tan larak na oliba a rigalod saray Levita, saray tumutogtog tan saray kumakantad Timplo, tan saray guardiad Timplo.

Nehemias 13:9

Ingganggan kon nalinisan imay kuarto onung ed ganggan; ingganggan ko met a nipawil diman iray kagawaan na Timplo, saray bagat a trigo, tan say insinso.

Exodo 13:12

nepeg yon isaklang ed Katawan so balang pangulowan ya anak yon laki. Kayaryan na Katawan ya amin iray kalakyan a besag ya anak na ayayep yo,

Exodo 13:2

“Isaklang mod siak ya amin iray lalakin anak a pangulowan, ta kayaryan ko so balang sakey a pangulowan a lakin anak ya Israelita tan balang sakey a kalakyan a besag ya anak na ayep.”

Levitico 23:17

Kapag pamilya mangyakar na duaran tinapay tan iyapay ton nidoma-doman rigalo ed Katawan. Kapag tinapay gawaen ed sakey tan kapalduan kilon arinan nanlibadura insan iyapay ed Katawan a sikatoy bagat ya ononan anien.

Malakias 3:10

Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Malakias 3:8

Tetepetan ta kayo, maung kasin takewan na too so Dios? Andi-duaruwa ya aliwan maung, balet tatakewan yo ak. “Panon mi kan tatakewan?” tepet yo. Diad saray kakaplo tan diad saray bagat.

Saray Bilang 18:15

“Amin a pangulowan ya anak odino besag na ayep ya isaklang ed siak na saray Israelita et kayaryan yo ra. Balet nepeg mon awaten so kuartan panondon dad balang pangulowan ya anak tan nepeg mo met ya awaten so panondon dad balang besag ya ayep ya aliwan malinis onung ed ganggan.

Saray Bilang 18:18

Say karni na sarayan bagat et kayaryan yo ra, singa say pagew tan say kawanan ya ulpo na nidoma-doman bagat.

Saray Bilang 18:21

Say Katawan kuanto, “Impabetang kod saray Levita iray amin a kakaplo ya isaklang ed siak na saray Israelita. Pambayar ya ed sikara lapud panaglingkur dad Tuldan Ayaman ko.

Saray Taga Roma 11:16

No say ononan tinapay a nanlapud masa et imbagat ed Dios, imbagat met lay intiron masa. No imbagat ed Dios so lamut na kiew, imbagat met la ray sanga to.

Deuteronomio 14:22

“Ibiig yoy kakaplo na amin a naani yod kaalogan yo kapag taon.

Deuteronomio 18:4

Sikaray nepeg a mangawat na ononan apag ed trigo, alak, larak na oliba, tan lanan abel.

Deuteronomio 26:2

balang sakey ed sikayo et nepeg a mangikargad sakey a baskit na onona ran naani yo a bunga na saray tanaman yo, insan yo iyakar ed samay pasen a panangigalangan.