Nehemias 10:34 - Maung A Balita Biblia

³⁴ Sikamin totoo, saray papari, tan saray Levita, et mampapalaranan kami a tinaon pian naamtaan mi no dinan iray boleg a mangiter na kiew a pamool ed saray bagat ya isaklang ed Katawan a Dios tayo, onung na ibabagay Ganggan.

Maung a Balita Biblia

³⁴ Sikamin totoo, saray papari, tan saray Levita, et mampapalaranan kami a tinaon pian naamtaan mi no dinan iray boleg a mangiter na kiew a pamool ed saray bagat ya isaklang ed Katawan a Dios tayo, onung na ibabagay Ganggan.

Nehemias 10:34 Iomraidhean Croise

1 Saray Awaran 24:5

Nipabetang iray kimey diad panamegley pampapalaranan, lapud wala ray opisyal na Timplo tan wala ra met so maispiritun pangulo ed saray kabyangay boleg nen Eleazar tan Itamar.

1 Saray Awaran 24:7

Saya so impantotombukan na saray duamplo tan apat ya olup na pamilya onung na pinawayay impanpapalaranan da: 1) Joyarib; 2) Jedayas; 3) Harim; 4) Seorim; 5) Malkias; 6) Mijamin; 7) Haccoz; 8) Abias; 9) Jesua; 10) Secanias; 11) Eliasib; 12) Jakim; 13) Hupa; 14) Jesebeab; 15) Bilga; 16) Imer; 17) Hezir; 18) Hapizez; 19) Petaya; 20) Jezekiel; 21) Jakin; 22) Gamul; 23) Delayas; 24) Maasias.

2 Saray Awaran 2:3

Impaikuanen Solomon ed kinen Ari Hiram na Tiro: “Lakoan mo ak met na tablan sidro a singa samay impangilakom ed amak ya Ari David nen amaalagey na palasio ra.

Esdras 3:5

Niarum ed sarayan bagat so inagew-agew ya isasaklang iran bagat a popoolan, saray bagat ya isasaklang no Pistay Balon Bulan, saray bagat kapag mantitipon ira a mangigalang ed Katawan, tan saray bagat a manlapud mabulos a linawa ya isasaklang na saray totoo ed Katawan.

Nehemias 11:1

Nanayam ed Jerusalem iray pangulo, nampapalaranan balet iray arum a totoo no dinan a pamilya ed kapag samplora so manayam ed masanton siudad na Jerusalem. Saray arum a pamilya et nepeg a manayam la rad saray arum a siudad tan saray arum a baley.

Nehemias 13:31

impaiyakar kod manepeg a panaon iray kiew a pampool na saray bagat; impaiyakar ko met ed saray totoo iray bagat dan ononan anien a trigo tan saray ononan borboren a bunga. Ag mo lilingwanan yan amin, O Dios, tan tumangan mo ak pa.

Probirbio 18:18

Nayarin naarigloan so kaso na duaran makapanyari a manlalaban ed korti diad panamegley na pampapalaranan.

Isaias 40:16

Amin da ray ayayep ed katakelan na Libano et kulang iran ibagat ed Dios tayo, tan kulang iray kiew ton pamool.

Levitico 24:5

Mangala kayoy samplora tan kapalduan kilon arina, ta manggawa kayoy labinduan tinapay.

Levitico 24:6

Idatak yo a duaran dasig iray tinapay, anemira ed kapag dasig, diad tapew na lamisaan ya inokupan na puron balituk tan walad arap na Katawan.

Saray Bilang 28:2

a bilinen to ray Israelita a mangyapay irad Dios diad saray niganan panaon na saray bagat a popoolan a makapaliket ed sikato.

Saray Gawgawa 1:26

Kasumpal to ya, kinaut da no siopay napalaran, et si Matias so apili. Sikato sirin so niarum ed saramay labinsakey ya apostol.

Josue 9:27

Balet impagmaliw to ran aripen a managalay kiew tan managasol na danum na saray totood Israel; sikara met so manangiter na kiew tan danum a para altar na Katawan. Anggad sayan panaon itutuloy da ni yan kimey ed pasen a pinili na Katawan a pangigalangan ed sikato.