Nehemias 10:28 - Maung A Balita Biblia

²⁸ Sikamin totood Israel, saray papari, saray Levita, saray guardiad Timplo, saray tumutogtog tan saray kumakanta ed Timplo, saray kumikimey ed Timplo, tan saray arum a diad panangonur ed Ganggan na Dios et imbiig day sikaran dili ed saray sangkailin manaayam ed dalin mi, sikami tan saray kaasawaan mi tan amin da ray anak min wala lay pakatalus,

Maung a Balita Biblia

²⁸ Sikamin totood Israel, saray papari, saray Levita, saray guardiad Timplo, saray tumutogtog tan saray kumakanta ed Timplo, saray kumikimey ed Timplo, tan saray arum a diad panangonur ed Ganggan na Dios et imbiig day sikaran dili ed saray sangkailin manaayam ed dalin mi, sikami tan saray kaasawaan mi tan amin da ray anak min wala lay pakatalus,

Nehemias 10:28 Iomraidhean Croise

Esdras 2:70

Nanayam ed Jerusalem odino diad abay to iray papari, saray Levita, tan pigarad saray totoo; nanayam ed saray asingger a baley iray tumutogtog tan saray kumakanta, saray guardiad Timplo, tan saray kumikimey ed Timplo; tan nanayam ed saray baley na saray lalaki ra iray arum ya Israelita.

Esdras 6:21

Saramay bagat et kinan na amin da ray Israelitan pinmawil tan saray amin a totoon tinondaan day paganon kagagawa na saray arum a totoon manaayam ed saman a dalin tan dinmago ran mangigalang ed Katawan a Dios na Israel.

Nehemias 13:3

Nen nadngel na saray totood Israel yan parti na Ganggan pinaekal dad olupan da iray amin a taga arum a bansa.

Nehemias 8:2

Inala nen Esdras insan to inyakar ed nantitiponan na saray totoo—lalaki, bibii, tan ogogaw a nayarian da lay ontalus.

Saray Salmo 47:7

Say Dios so arid sankamundoan; kantaan yo na pangidayew.

Ecclesiastes 5:2

Mannunot ka ni kasakbayan a mansalita ka, tan ag ka bengatbengat a mansisipan ed Dios. Walad tawen so Dios tan wala kad tapew na dalin, kanyan ag mo la pasosolukan so kanepegan mon salitaen.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Levitico 20:24

Balet insipan kon kayaryanen yo man a mataba tan mayaman a dalin, kanyan iter kod sikayo. Siak so Katawan a Dios, tan siak so angibiig ed sikayo ed saray arum a bansa.

Saray Taga Roma 1:1

Sayan sulat nanlapud kinen Pablo, sakey ya aripen nen Jesu-Cristo, atawag a magmaliw ya apostol tan pinilin mampulong na Maung a Balita na Dios.